Yakobo 5:7 - Kivunjo New Testament 1999

⁷ Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

Yakobo 5:7 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:28

Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 24:27

Cha kyipfa chandu mbawa yekyewaṟuka iwuka ura lo ngamenyi mṟasa ikawono ura lo kyukonyi, nyi wuṙo kochiwa kyiyeri kya icha lya Mono-Adamu.

Matayo 24:44

Kyipfa kya ikyo na nyoe kuṟeyeṟenyi; cha kyipfa saa mulaikusaṟie Mono-Adamu naicha.”

Luka 18:8

Ngyimmbia, newaenenga kyilya kyiwaṟi iwinyi; kyaindi, kyiyeri Mana o Adamu echicha, ngyesa newona iiṙikyia wuyanenyi?”

Luka 21:27

Iho nyiho wewona Mana o Adamu echicha ipuchinyi hamwi na pfinya na mng'ano ung'anyi.

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Yohane 21:22

Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

Yohane 21:23

Kyasia mbonyi-tso tsikaṙunganana ko walya wawekyeosha Yesu kye manalosho ulya echipfa-pfo. Kyaindi Yesu alewawia kye echipfa-pfo indi nalegamba, “Kokooya ngyikundi ichu nawaṙe moo mṟasa kyiyeri ngyechicha, ikyo kyakuenenga kuṙa wukyiwa?”

Waroma 15:4

Cha kyipfa shoose shilesonguo iṟeio shileṟeio kundu shiluloshe soe; kundu kui wusimiri na iwiyiṟio moo lya shiṟeio luiṙime iwaṙa ikusuria.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

1 Wakorinto 1:7

mṟasa mulauṟe kyienengo kyoose, mochiweṙelyia mnu kyiyeri Ruwa echishukuo Yesu Kristo;

Wagalatia 5:5

Kyipfa soe kui Mumuyo luiweṙelyia ikusuria lya wusumganyi kui njia ya iiṙikyia.

Wagalatia 6:9

Lyingyi-se maa lulalemo iwuta shindo shicha; kyipfa lochisambuo ilyi kyiyeri kyechishika, lulandewine.

Wakolosai 1:11

Mochitaramo kui wuiṙimi woose, iṙuana na pfinya ya mng'ano okye, muiṙime iwaṙa wusimiri wo orio mbaṟe na ikarishia hamwi na ichihiyo.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Watesalonikye 2:19

Kyipfa ikusuria lyaṙu ang'u sia yaṙu, ang'u iṟikoso lya ikushela, nyi kyikyi? Ngyesa chi nyoe, mbele ya Mndumii oṙu Yesu kyiyeri kya icha lyakye-pfoe?

1 Watesalonikye 3:13

Naiṙime itarama mrima yanyu ilalolome ilawaṙe kyindo kyoose mndu eiṙima igamba kye ingyiwicho, wuelenyi mbele ya Ruwa, Awu oṙu, kyiyeri kya icha lya Mndumii oṙu Yesu hamwi na wandu wa Ruwa woose.

Waebrania 6:15

Na kuṙo kui isimiria kawona kyaasa kyilya.

Yakobo 4:11

Wana wa wama, maa mulairiane wongo. Moiria mono-wamae wongo, ang'u ianduya mono-wamae, nekyeiria wongo na ianduya uwawaso. Kyaindi koanduya uwawaso, noṙa iindia na iwooka ianduya.

Yakobo 5:10

Wana wa wama wako, weonguo shisuku walya waleende ndumo ya Ruwa nyi mfano mcha o wandu walekarishia matuuro.

Yakobo 5:3

Sahapu tsanyu na shindo shanyu sha woguru wung'anyi shikyindie ukoe, na ukoe-lo lomuṟingyishia, na mmbiu yanyu yechinyamaṟika cha ilyi nyi ikoṟo nyi moṙo. Mulekooma kyiseyesoe mfirinyi ya mafurumionyi.

2 Petiro 3:4

na igamba, “Nyi kwi kyikyeri kyaasa kyilya kya icha lyakye? Cha kyipfa wookyia kyiyeri-kyo waku waṙu walepfa, shindo shoose shikyeri chandu shiwei, wookyia wuyana wulegumbo.”