Yakobo 5:15 - Kivunjo New Testament 1999

¹⁵ Kokooya wameeku-wo waiṙikyia kye Ruwa neaṙanyia kyiterewo kyawo, ulya aluoe nechikyiṟo. Ruwa nemmbiyiṟia pfinya maa kokooya anyamaṟie nechihooṟio.

Yakobo 5:15 ပူးပေါင်းရင်းမြစ်များ

Matayo 17:20

Yesu kawawia, “Kyipfa kya wufofo wo iiṙikyia lyanyu. Cha kyipfa, ny'kyaloi, ngammbia, mukowaṙa iiṙikyia lyishikyie cha mbeu ya haradalyi mochiwia fumvu-lyi, ‘Wuka iha uyende kulya;’ nalyo lyechiwuka ho; maa kochiwaṙa kyindo kyilechiiṙimika konyu-pfo. [

Yohane 5:14

Numa ya isho Yesu kamkooya hekalunyi, kammbia, “Ambuya, ommbaṙa pfinya; ulawute-se wunyamaṟi, ulacheolokyio nyi kyindo kyiwicho ngoseṟa.”

Yohane 6:39

Na kyilya ulya alengyiṙuma akundi nyi ikyi, kye kyiiṙi kya woose angyienengyie ngyilaṙetse maa umwi, indi ngyimṟutse mfiri ulya o furumia.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

2 Wakorinto 4:14

Luichi kye ulya aleṟutsa Mndumii Yesu nechiluṟutsa na soe hamwi na Yesu, na iluende na mbele yakye hamwi na nyoe.

Yakobo 1:6

Indi naterewe kui iiṙikyia, kulawoṙe ikapa kawi maa ale, kyipfa mokapa kawi nyi kyimwi na mṟinga oiṙa ipalyipalyinyi ukoṙoo nyi mkuma, na iwiyitso kunu na kunu.

Yakobo 5:13

Kokooya mndu o konyu naolokyio nyi fowa naterewe ko Ruwa. Kokooya nawoṙe mrima mkyesi naimbe shiimbo sheana.

Yakobo 5:16

Tochianenyi ngyuunyamaṟi tsanyu nyoe wenyi ko wenyi, na iterewiana, muiṙime ikyiṟo. Iterewa lya mndu msumganyi lyiwoṙe kyiira mnu.

Yakobo 5:20

manyenyi kye ulya motarama mṙeko iwuka njienyi ya wuṙetsi, nechikyiṟa mrima okye na upfu, na ishikyia wuingyi wo ngyuunyamaṟi.