Yakobo 4:8 - Kivunjo New Testament 1999

⁸ Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.

Yakobo 4:8 ပူးပေါင်းရင်းမြစ်များ

Matayo 12:33

“Kundu ikyiṙi lyiwe lyicha kyiwaṟi iwaṙa ndunda ngyicha; kyaindi kokooya nuwoṙe ikyiṙi lyiwicho na ndunda tsechiwiha, cha kyipfa ikyiṙi lyekyemanyika kui ndunda tsalyo.

Matayo 15:2

“Ny'kyilyi wanalosho wapfo wainyamaṟa shilya shileambilyio ko waku waṙu? Cha kyipfa wekyesamba mawoko ilyi wailya-pfo.”

Matayo 27:24

Kyasia kyiyeri Pilato alewona kuwoṙe kyiira kyoose-pfo, indi kyituṟu kyikundi iamka, kaira mṟinga, kasamba mawoko gakye mbele ya wuingyi wulya wo wandu, kagamba, “Inyi ngyiwoṙe ṙeko samunyi ya mndu-chu msumganyi-pfo. Ilyi nyi iṟunda lyanyu nyoe.”

Mawuto Ga Wasu 15:9

Maa aleluwutia soe kyindo kyilafananyi na kyilya alewawutia-pfo, echiwailyisha mrima yawo kui iiṙikyia.

2 Wakorinto 7:1

Kyasia-ng'u, wakunde wako, cha kyipfa luwoṙe shaasa-sho, lusanje mrima-i yaṙu ilekane na ukoe loose lo mmbiu na mrima, kunu lochiafutsia wuele kui iindia Ruwa.

1 Timoteo 2:8

Kyasia ngyikundi wasoṟo waloshe siṟinyi, wawoṙe mrima ngyiwaṙami. Waire mawoko ilyi waiterewa Ruwa, kulawoṙe ikapo nyi nyashi ang'u igaluana.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 7:19

(cha kyipfa iwawaso lyilya lyileafutsia kyindo-pfo); na hamwi na isho kulewiko ikusuria lyilyicha ngoseṟa, ikusuria lyekyeluenenga itikyiria Ruwa.

Yakobo 1:8

Mndu o makusaṟo galagoṟokyi nekyekapa kawi njienyi tsakye tsoose.

Yakobo 3:17

Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.