Yakobo 4:6 - Kivunjo New Testament 1999

⁶ Kyaindi nekyelutarama soe isaṟia lyiengyeṟikyie; koikyo nekyegamba, “Ruwa nekyewingana na walya wekyekuṙosa, indi nekyeenenga isaṟia wekyekutitiṟa.”

Yakobo 4:6 ပူးပေါင်းရင်းမြစ်များ

Matayo 13:12

Cha kyipfa orio oose awoṙe kyindo nechienengo, na oe nechipfumbutsio pacha; kyaindi orio oose alawoṙe kyindo, maa kyilya awoṙe nechisoko.

Matayo 23:12

Na orio oose echikung'anyisa amonyi nechititiṟo, na orio oose echikutitiṟa amonyi neching'anyiso.

Luka 1:52

Naleolotsa wang'anyi shiṙinyi shawo sha wuchilyi, na wafofo kawang'anyisa.

Luka 14:11

Cha kyipfa orio mokung'anyisa nechititiṟo na ulya mokutitiṟa neching'anyiso.”

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Yakobo 4:10

Kutitiṟenyi ushangunyi lo Ruwa kyiyeri muiterewa na oe nemuenenga kyiṟumi.

1 Petiro 5:5

Na wuṙo nyoe wanakye, indienyi wameeku. Yee, nyoe moose waṙenyi wupfereri, muiṙime iṟundiana; cha kyipfa Ruwa nekyekapa walya wekyekuira, kyaindi nekyeenenga wapfereri isaṟia.