Yakobo 4:11 - Kivunjo New Testament 1999

¹¹ Wana wa wama, maa mulairiane wongo. Moiria mono-wamae wongo, ang'u ianduya mono-wamae, nekyeiria wongo na ianduya uwawaso. Kyaindi koanduya uwawaso, noṙa iindia na iwooka ianduya.

Yakobo 4:11 ပူးပေါင်းရင်းမြစ်များ

Luka 6:37

“Maa mulaanduye, na nyoe mochianduyo-pfo. Mulagambe kye wandu wengyi wawawicho kundu mulagambo kye muwawicho. Lekyienyi na nyoe mochilekyio.

Waroma 2:1

Koikyo, iyoe mndu uianduya oṙoo uwoṙe kyegamba-pfo. Kyipfa isho uanduya ungyi nukuanduya kumonyi kye nunyamaṟie; kyipfa iyoe uianduya nuiwuta shilya shilya.

Waroma 2:13

Kyipfa chi woose wekyeicho mawawaso wai wasumganyi mbele ya Ruwa-pfo, indi nyi walya wekyewuta kyilya mawawaso gakundi wechitalyio wusumganyi.

Waroma 7:7

Kyasia lugambe kyikyi-ng'u? Uwawaso nyi wunyamaṟi? Ote! Indi ngyiweiṙima imanya wunyamaṟi sile nyi kui mawawaso-pfo; cha kyipfa kokooya uwawaso lulalegamba “Ulalangye” gyiwechimanya ilanga-pfo.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

Wafilyipi 4:31

Isuo lyoose lying'anyi na nyashi tsoose na ikalagatsa na shilahio shilakae konyu, hamwi na wuwicho wo orio mbaṟe.

1 Timoteo 3:11

Na wuṙo waka wawo wawaṙe mkaṟo yechienenga wandu iwaindia. Chi wandu wekyeiria wengyi shindo sha wongo-pfo. Wandu wawoṙe meena, wekyeafutsia shoose wateṟia.

2 Timoteo 3:3

Walakundi wandu wa kanyi kowo, walakundi isanzo na walya waluyanyi nawo, wekyeiria woṙoe shindo sha wongo, walekyeiṙima ichilyia lango, walang'a, walakundi mecha.

Tito 2:3

Na wuṙo na wakyeku wawaṙe mkaṟo o wuele. Walawe wandu wekyeiria wandu shindo sha wongo, walawe wandu wekyenyo mpfinyo wufoi, indi wawe wandu wekyelosha shindo shicha.

Yakobo 1:16

Wana wa wama wako wakunde, mulalembo.

Yakobo 1:19

Isho muichi, wana wa wama wako wakunde. Kyasia orio mndu nawe mwanguhu iaṙanyia indi chi mwanguhu iṙeṙa maa ikapo nyi nyashi-pfo; maa moṙeṙa-pfo.

Yakobo 1:25

Kyaindi mndu moambuya mawawaso gaafutsie galakyeri ga wutumo, na ikaa kyiiṙi kyago, alawe mndu ekyeaṙanyia na iwaṙima indi mowuta kyilya aiicho, icho nechiwa agusu kyiiṙi kya iwuta lyakye.

Yakobo 2:8

Kyaindi mukoafutsia iwawaso lyilya lya Wumangyi chandu kyikyiṟeie, “Kunda momṟasa opfo cha iyoe kumonyi,” muiwuta necha.

Yakobo 5:10

Wana wa wama wako, weonguo shisuku walya waleende ndumo ya Ruwa nyi mfano mcha o wandu walekarishia matuuro.

Yakobo 5:7

Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

Yakobo 5:9

Wana wa wama, maa mulanunuwiane, mulacheanduyo. Ambuyenyi moanduya nagoṟokyi mbele ya moongo.

1 Petiro 2:1

Kyasia, ṙenyi wuwicho na ngyeṟo, na wukulembecheṟi na wunyeng'i na iiria wengyi shindo sha wongo.