Yakobo 4:1 - Kivunjo New Testament 1999

¹ Shiṙa nyi kwi shiwuka, na ngapano tsikyeri konyu nyi kwi tsiwukyie? Chi kunu langonyi tsanyu tsekyeende shiṙa shiwungonyi shanyu-pfoe?

Yakobo 4:1 ပူးပေါင်းရင်းမြစ်များ

Matayo 15:19

Cha kyipfa mrimenyi kokyewuka makusaṟo mawicho, uwaagi, wuṟui, wuiwi, wuṟingyishi wo wongo, na shilahio.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 7:23

Kyaindi shiwungonyi shako, ngyiwonyi iwawaso lyikyeri kuleshi, lyikapana shiṙa na iwawaso lyilya lya wuṟango woko, na ingyiwaṙa ko pfinya kui iwawaso lyilya lya wunyamaṟi lyikyeri shiwungonyi shako.

Waroma 7:5

Kyipfa kyiyeri luwekyeri na mbaṟe ya mmbiu, lango tsa wunyamaṟi tsiwekyeri pfo kyipfa kya uwawaso, tsileṟunda mmbiunyi yaṙu lukopfa.

Waroma 8:7

Cha kyipfa kyilya mmbiu ukundi nyi kyituwa ko Ruwa, kyipfa kyekyeindia iwawaso lya Ruwa-pfo, maa kyeiṙima ilyiindia-pfo.

Wagalatia 5:17

Cha kyipfa mmbiu okyelanga ochiwingana na Mumuyo, na Mumuyo iwingana na mmbiu; kyipfa ishi shekyeṙuana-pfo, na moiṙima iwuta shilya mukundi-pfo.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

2 Timoteo 2:23

Kyaindi ulege maṙeṙo gesoruo-soruo ga kyitondo, galawoṙe wuṟango, ochimanya kye gekyeende maluyano.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Tito 3:9

Kyaindi kushowe na maṙeṙo ga wutondo, shindo shileambilyio ko waku, shiluyano na ikapana kyipfa kya uwawaso. Kyipfa isho shiwoṙe kyiira-pfo. Lyingyi-se nyi shindo sha wulya.

Yakobo 1:14

Kyaindi orio umwi nekyeyesho nyi lango tsakye amonyi na kunu tsechimkuruo na imlemba.

Yakobo 4:3

Muiterewa mulawone cha kyipfa muiterewa uwicho, kundu muṟunde nasho ko lango tsanyu.

1 Petiro 1:14

Cha wana wa wuindi mulakufananyishe na lango tsanyu tsa mawookyionyi, tsa wutondo wonyu;

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

2 Petiro 2:18

Kyipfa wekyeṙeṙa maṙeṙo gekushela na galawoṙe kyiira, na kui lango ngyiwicho tsa mmbiu yawo wekyelemba walya waleṙicha mawicho na lango tsa wuyana.

2 Petiro 3:3

Mochimanya kuwooka kyindo-kyi kye mfirinyi yefurumia wandu wekyetaluo wechicha na italuo lyawo, wekyeosha lango tsawo wawenyi,