Yakobo 3:6 - Kivunjo New Testament 1999

⁶ Na ulumi nyi moṙo; wuyana wulya wo wunyamaṟi, ulumi lulya, lulewiko shiwungonyi shaṙu, nalo nyilo lokyefanyiṟa mmbiu oose. Lokyeatsa moṙo ulya uwukyie Ngyehenenyi na ilurumatsa piu.

Yakobo 3:6 ပူးပေါင်းရင်းမြစ်များ

Matayo 12:24

Kyaindi lyilya Mafarisayo waleicho, walegamba, “Ichu naifuna waṟufui wawicho kui pfinya tsa ang'anyi o waṟufui wawicho.”

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Mariko 7:15

Kuwoṙe kyindo kyikyeri nja ya mndu kyekyeiṙa na kokye kyikaiṙima imfanyiṟa kyimṟumoe-pfo. Indi shilya shekyewuka kokye, nyisho shekyefanyiṟa mndu ulya. [

Luka 16:24

Kafiiṟa, kagamba, ‘Hoi papa Abrahamu, ngyiwonia wukyiwa, uṙume Lasaro nawikye kyimnyoe kyakye mṟingyenyi naoloṟe ulumi loko, kyipfa ngyituuro kunu moṙonyi.’

Mawuto Ga Wasu 20:30

Lyingyi-se kyiiṙi kyanyu nyoe kochiwuka wandu, wechiṙeṙa shindo sha wuṙetsi, walembe wanalosho wakae ura lowo.

Mawuto Ga Wasu 5:3

Petiro kagamba, “Anania, ny'kyilyi Satana aichuṟa mrima opfo iwia Mumuyo Mweele wongo, na iṟika kyifunjoe kya woguru wulya wo ṙema?

Mawuto Ga Wasu 6:13

Wakapfula waṟingyishi wa wongo, walegamba, “Mndu-chu mfiri yoose nawekyeṙeṙa mbonyi tselahia hekalu na uwawaso;

Tito 1:11

Wawaṟi iimo walaṙeṙe. Iwo wekyefoga-foga woose wa kanyi ko wandu, wechilosha shindo shilawawaṟi kyipfa kya ipfula masaa ga sonu.

Yakobo 2:7

Chiwo wailahia rina lyilya lyicha muleenengo-pfoe?

Yakobo 3:7

Kyipfa orio mbaṟe ya indo lya saka, na ya shileye, na ya shindo shekyekukuruo na ndewu, na ya shindo shikyeri ipalyipalyinyi, shekyeiṙima ichilyio, nasho shilemchilyio nyi wandu.

2 Petiro 3:3

Mochimanya kuwooka kyindo-kyi kye mfirinyi yefurumia wandu wekyetaluo wechicha na italuo lyawo, wekyeosha lango tsawo wawenyi,

3 Yohane 1:10

Koikyo ngacha ngyechikumbuo mawuto gakye, chandu awoṙe maṙeṙo mawicho galawoṙe kyiira; maa isho shekyemshika-pfo, kyipfa oe amonyi ekyeambilyia wana wa wama-wo waiṙikyie Ruwa-pfo; na walya wakundi iwaambilyia nekyewashingyia, na iwawuta siṟinyi.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 13:14

Nalyo lyikatewe walya wekyekaa urukyenyi, kui shiṟingyishio shilya lyileenengo ishiloṟa mbele ya indo-lyo, lyechiwia walya wekyekaa urukyenyi ilyiachikyia ifano lya indo lyilya, lyiwewoṙe ifaṟo lya ushu, nalyo lyikawaṙa moo.

Ulogo 18:23

Maa ngyeela ya taa yechilyimika-se kopfo-pfo; maa ṟui lya monyi-wolyi na mpora okye kuwoṙe mndu echilyiicho-se kopfo-pfo. Kyipfa wekapa mbucha-wo wapfo wawei wang'anyi wa uruka, cha kyipfa masanga goose galelembo nyi wusawi wopfo.”

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.