Yakobo 3:17 - Kivunjo New Testament 1999

¹⁷ Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

Yakobo 3:17 ပူးပေါင်းရင်းမြစ်များ

Matayo 23:28

Na wuṙo na nyoe; ipfo kyanja muwono nyi wandu cha muwoṙe wusumganyi, kyaindi ipfo kyanumba muichuo wukulembecheṟi na ifunja mawawaso lya orio mbaṟe.

Matayo 5:8

Wagusu iwo wawoṙe mrima mmbaṙami; kyipfa iwo wechiwona Ruwa.

Matayo 5:9

Wagusu iwo wekyeende ufoṟo; kyipfa iwo wechilago wana wa Ruwa.

Luka 21:15

cha kyipfa inyi ngyemuenenga maṙeṙo na wuṟango watuuri wanyu woose walechiiṙima iwingana nawo maa imulega.

Luka 6:36

Kyasia, wenyi wandu wekyehooṟia chandu Awu-yonyu ai mohooṟia.”

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 1:47

Kyasia Yesu kawona Natanaelyi echicha na kokye, kaonguo mbonyi tsakye, “Aichu Muisiraelyi loi loi, awoṙe ngyeṟo maa ale-pfo.”

Mawuto Ga Wasu 11:24

Kyipfa nawekyeri mndu mcha aichuo Mumuyo Mweele na iiṙikyia; wandu wafoi wakaengyeṟika ura lo Mndumii.

Mawuto Ga Wasu 9:36

Na kulya Yafa kuwewoṙe manalosho umwi ekyelago Tabita (kyimwi na igamba Dorikasi ang'u moṟinyi). Mndu mka-chu nawewoṙe mawuto mecha na ienengyia shienengo shetarama wakyiwa.

Waroma 12:18

Kokooya kyechiwa, ko ura lonyu, mukae ufoṟonyi na wandu woose.

Waroma 12:9

Ikunda lyilawaṙe wukulembecheṟi. Suonyi kyikyeri kyiwicho, oshanenyi na kyikyeri kyicha.

Waroma 15:14

Wana wa wama wako, inyi ngyimonyi ngyileṟingyishio kui mbonyi tsanyu kye mui wandu wecha, muwaenengye wuṟango woose; lyingyi-se moiṙima itutumana.

1 Wakorinto 12:8

Kyipfa mndu umwi kui Mumuyo namwenengye wunyotsu; na ungyi iṙeṙa kui wuṟango chandu Mumuyo ulya ulya akundi.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 6:6

Mkaṟonyi ngyicha, wuṟangonyi, isimiria, wupfererinyi, Mumuyonyi Mweele, ikundenyi lyilawoṙe wukulembecheṟi.

2 Wakorinto 7:11

Wulalu moiṙima iwona kyindo kyekyeendo nyi iwona fowa chandu Ruwa akundi. Nyoe moiṙima wulalu iwa wandu wawoṙe ipfuṟukana, wawoṙe kyindo kyegamba. Mokyeṙumbuko nyi maṙima na iowuo; mokyepfuṟukana na iwona kye kya wusumganyi kyiṟundo. Nyoe moloṟa na pata kye muwoṙe ṙeko kyiiṙi kya ikyi ngyigamba-pfo.

2 Wakorinto 9:10

Na ulya ekyeenenga mbeu mndu mowaaya, na mkate uwe kyelya, nemuenenga mbeu tsewaaya na itsiengyeṟa, na oe nechiengyeṟa shilyimu sha wusumganyi wonyu.

Wafilyipi 5:9

kyipfa ndunda ya ngyeela nyi wuchenyi woose na wusumganyinyi na loi;

Waefeso 1:11

muwaichuṟe shindo shicha shilya Yesu tikyi eiṙima imuenenga wuiṙimi wo ishiwuta, kui mng'ano na kyiṟumi kya Ruwa.

Waefeso 4:8

Naaho-ng'u, wana wa wama, kyindo kyoose kyikyeri kya loi, kyoose kyilai kya sonu, kyoose kyikyeri kya wusumganyi, kyoose kyilawoṙe ukoe, kyoose kyechihiṟa, kyoose kyiwoṙe kyiṟumi kyicha; kokooya kuwoṙe wucha woose, kukowaṙa kyiṟumi kyoose kyicha, kusaṟenyi kyipfa kya shindo sha mbaṟe-yo.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

1 Watesalonikye 2:7

Indi luwekyeri wandu wahoo kyiyeri luwekyeri na nyoe, chandu mfee ekyeambuya wana wakye amonyi.

1 Timoteo 5:21

Ngakuwia mbele ya Ruwa, mbele ya Kristo Yesu, na mbele ya malaika wasambuṟe, uwute isho kulawoṙe ianduya kui iṙimaṙima. Ulawute kyindo kyoose kui ikundia.

2 Timoteo 2:24

Lyingyi-se kyiwaṟi mṟundi o Mndumii iwa mndu moluyana-pfo; indi iwa muoloru ko wandu woose, eiṙima ilosha, aichi ikarishia;

Tito 1:15

Shindo shoose shishicha ko walya wawecha; kyaindi kuwoṙe kyindo kyikyicha ko walya wafanyi kyimṟumoe-pfo, walya walawoṙe iiṙikyia; indi ngyuuṟango tsawo tsifanyi kyimṟumoe, na makusaṟo gawo taa.

Tito 3:2

Walalahie mndu oose, walaluyane, wawe wandu wekyewuta kyilya kyikyicha, wechiloṟa wuhoo woose ko wandu woose.

Waebrania 12:11

Orio ngapo ikyeri kyindo kyekyeende sia-pfo, indi kya fowa; kyaindi kyiyeri kya numa yekyeendie walya wawatoṟishe nyi ngapo-yo ndunda tsa wusumganyi tsiwoṙe ufoṟo.

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,

Yakobo 1:17

Orio ienengyia lyikyeri lyicha, na orio kyindo kyekyewuto kyiafutsie, kyekyewuka wuye, kyekyesoka ko Awu agumbie mnengyeṟi, mori na nyenyeri. Kokye kuwoṙe iilachika lyekyeende meema-pfo.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 2:13

Kyipfa Ruwa echiwoṙo nyi fowa mrimenyi kyiyeri aianduya mndu alekyewoṙo nyi fowa mrimenyi-pfo. Kyipfa iwoṙo nyi fowa mrimenyi lying'anyi kuta ianduya.

Yakobo 2:4

ngyesa mowuta uwicho mrimenyi konyu mukowa weanduya wawoṙe makusaṟo mawicho-pfoe?

Yakobo 3:15

Wuṟango-wo chi wulya wuwukyie wuye-pfo, indi nyi wo wuyana, wo mbaṟe ya kyimndu na Satana.

Yakobo 4:8

Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 2:1

Kyasia, ṙenyi wuwicho na ngyeṟo, na wukulembecheṟi na wunyeng'i na iiria wengyi shindo sha wongo.

1 Petiro 2:18

Lanyoe waṟundi, indienyi wandumii wanyu kui wuowu wung'anyi. Chi walya wawecha na wahoo tupu-pfo, indi maa walya walang'a.

1 Yohane 3:18

Wana wako, lulakunde kui ṙeṙo, maa kui ulumi-pfo, indi kui mawuto na wuloi.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.