Yakobo 3:16 - Kivunjo New Testament 1999

¹⁶ Kyipfa handu hawoṙe wunyeng'i na maluyano, nyi ho-ndu hawoṙe kyituṟu, na orio kyindo kyiwicho.

Yakobo 3:16 ပူးပေါင်းရင်းမြစ်များ

Mariko 3:25

Na kanyi kukokuṟiinga kumonyi, kanyi-ko koiṙima igoṟoka-pfo.

Mawuto Ga Wasu 19:29

Mṟi oose ukowaṙa kyituṟu, wakayenda weṙicha wakaiṙa na handu ha temo wakyeri kyindo kyimwi, wammbaṙe Gayo na Arisitariko, wandu wa Makyedonia wawei kyaronyi hamwi na Paulo.

Waroma 2:8

Na walya wawoṙe wuṟiingyi, walekyeindia wuloi, indi wakaiṙikyiana na mbaka, wewona nyashi na isuo lying'anyi;

1 Wakorinto 14:33

Cha kyipfa Ruwa chi Ruwa o kyituṟu na ngapano-pfo indi o ufoṟo; wuṙo chandu kyiwaṟi iwa siṟinyi tsa wandu wa Ruwa.

1 Wakorinto 3:3

cha kyipfa mṟasa wulalu nyoe nyi wandu wa mkaṟo ya kyimmbiu. Kyipfa kokooya konyu kuwoṙe wunyenyi na wuṟiingyi, ngyesa nyoe chi wandu wa mkaṟo ya kyimmbiu-pfoe? Lyingyi-se mokyewuta kui mbaṟe ya kyimndu?

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

Wagalatia 5:20

iindia mafano, wusawi, isuana, iluyana, wunyeng'i, nyashi, wuṟiingyi, nduutsano, iṙeṙa wongo.

Yakobo 3:14

Kyaindi mukowaṙa wunyeng'i wo nyashi na maluyano mrimenyi konyu, maa mulakuiring'ishe, maa mulaṙeṙe wongo kui iwingana na loi.

1 Yohane 3:12

Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.