Yakobo 3:15 - Kivunjo New Testament 1999

¹⁵ Wuṟango-wo chi wulya wuwukyie wuye-pfo, indi nyi wo wuyana, wo mbaṟe ya kyimndu na Satana.

Yakobo 3:15 ပူးပေါင်းရင်းမြစ်များ

Luka 16:8

Mndumii ulya kaṟumisha mringyi ulya mmbicho kyipfa ilyi alewuta kui wuṟango; cha kyipfa wana wa wuyana-wu rikyenyi lyawo wawenyi waṟango kuta wana wa saa.

Yohane 3:17

Cha kyipfa Ruwa aleṙuma Mana wuyanenyi kundu naanduye wuyana-pfo, indi wuyana wukyiṟo kui oe.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Mawuto Ga Wasu 13:10

kagamba, “Iyoe uwoṙe ngyeṟo na wuwicho woose, mana o Mokyiriinzi, mokyituwa o wusumganyi woose, okyeṙa igaluo wuloi wo Mndumii wuwe wongo?

Waroma 1:22

Wechikuloṟa kye waṟango waletondoka.

1 Wakorinto 1:27

Indi Ruwa nalesambuṟa matondo ga wuyana nariise sonu wawoṙe wuṟango. Lyingyi-se Ruwa nalesambuṟa shindo shifofo sha wuyana kundu nariise sonu shilya shiwoṙe pfinya.

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 3:19

Kyipfa wuṟango wo wuyana-wu nyi wutondo mbele ya Ruwa. Cha kyipfa kyikyiṟeie, “Oe nyi oe ekyewaṙa wawoṙe wuṟango ngyeṟonyi tsawo.”

1 Wakorinto 3:3

cha kyipfa mṟasa wulalu nyoe nyi wandu wa mkaṟo ya kyimmbiu. Kyipfa kokooya konyu kuwoṙe wunyenyi na wuṟiingyi, ngyesa nyoe chi wandu wa mkaṟo ya kyimmbiu-pfoe? Lyingyi-se mokyewuta kui mbaṟe ya kyimndu?

2 Wakorinto 1:12

Cha kyipfa ikushela lyaṙu nyi ilyi, iṟingyishia lya kyilya mrima yaṙu iwonyi kye kyikyicha, kye kui wuele na ngoo ngyiilyi iwukyie ko Ruwa; chi kui wuṟango wo mmbiu-pfo, indi kui isaṟia lya Ruwa; lulewaṙa mchumie wuyanenyi, na ngoseṟa konyu nyoe.

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

Waefeso 3:19

Mafurumionyi gawo nyi irumatso, ruwa owo nyi lango tsa mmbiu, wekyekushelyia shindo sha sonu, na iwinia shindo sha kunu wuyanenyi.

2 Watesalonikye 2:9

Ulya akyeri kye icha lyakye nyi kui pfinya ya Satana, kui wuiṙimi woose, na shiṟingyishio na maṟiyisho ga wongo.

1 Timoteo 4:1

Kyasia Mumuyo naiṙeṙa na pata kye shiyeri sha mafurumionyi wandu wengyi wechikuletsana na iiṙikyia, wechiaṙanyia mumuyo ngyiwicho yekyelemba, na malosho ga wandu waikuloṟa cha ilyi wawoṙe Mumuyo o Ruwa kyaindi wawachilyie nyi Satana.

Yakobo 1:17

Orio ienengyia lyikyeri lyicha, na orio kyindo kyekyewuto kyiafutsie, kyekyewuka wuye, kyekyesoka ko Awu agumbie mnengyeṟi, mori na nyenyeri. Kokye kuwoṙe iilachika lyekyeende meema-pfo.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 3:17

Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

Yuda 1:19

Wandu-wo iwo nyiwo wekyeende nduutsano, wandu wa wuyana-wu tikyi, walawoṙe Mumuyo.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 2:24

Kyaindi ngammbia nyoe mukyeri Tiatira, woose walawoṙe malosho-go, walaichi ngyeṟo tsa Satana, chandu wekyegamba, ngyechimṙika ṟio lyingyi-pfo.

Ulogo 9:11

Na wuye yatso tsiwewoṙe mangyi, na oe nyi malaika o halya-ndu wandu wapfiie wekyekaa, ekyelago Abadoni (kyimwi na igamba Mrumatsi) kui mṙeṙie o Kyiebrania, na Apolyioni kui mṙeṙie o Kyikyiṟikyi.