Yakobo 2:9 - Kivunjo New Testament 1999

⁹ Indi mukokundia wandu, muiwuta wunyamaṟi na ianduyo nyi uwawaso kye mui wanyamaṟi.

Yakobo 2:9 ပူးပေါင်းရင်းမြစ်များ

Yohane 16:8

Na oe kamcha nechiloṟa wandu wa wuyana kye wekyeṙeko kyiyeri wekyegamba kye waichi mbonyi tsa wunyamaṟi. Kye waichi kyiha kyikyeri kya sungusinyi na kye waichi mbonyi tsa ianduyo nyi Ruwa.

Yohane 8:46

Nyi wui kyiiṙi kyanyu angyiṟingyishia kye ngyiwoṙe wunyamaṟi? Na inyi ngaṙeṙa loi, ny'kyilyi nyoe mulaingyiiṙikyia?

Yohane 8:9

Nawo kyiyeri waleicho, wakafuma soṟom soṟom, wechiwooka na ulya mku kuta woose; Yesu kaṙio amonyi, na mndu mka ulya agoṟokyi halya.

Mawuto Ga Wasu 10:34

Petiro kawooka iṙeṙa, kagamba, “Loi ngyiichi kye Ruwa awoṙe ikundia-pfo;

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

1 Wakorinto 14:24

Kyaindi woose wakaonguo shisuku, na mndu alaiṙikyie, ang'u mtondo kacha, kyilya kyigambo kyechimloṟa wunyamaṟi wokye, na nechianduyo nyi walya aichuoe weonguo shisuku.

Wagalatia 2:19

Kyipfa inyi ko mbonyi tsa mawawaso ngyipfiie kundu ngyiwaṙe moo kyipfa kya Ruwa.

1 Yohane 3:4

Orio mndu ekyewuta sha wunyamaṟi, nawuta kyindo kyiwicho; cha kyipfa wunyamaṟi nyi kyindo kyiwicho.

Yuda 1:15

kundu naanduye wandu woose, na itoṟisha woose walaiṙikyie Ruwa, kyipfa kya mawuto gawo goose ga wuṙetsi, walewuta kulawoṙe iowuo na ikunda Ruwa na kyipfa kya maṙeṙo goose malemeri galeṙeṙo nyi iwo wanyamaṟi walekyeindia Ruwa.”