Yakobo 2:8 - Kivunjo New Testament 1999

⁸ Kyaindi mukoafutsia iwawaso lyilya lya Wumangyi chandu kyikyiṟeie, “Kunda momṟasa opfo cha iyoe kumonyi,” muiwuta necha.

Yakobo 2:8 ပူးပေါင်းရင်းမြစ်များ

Matayo 22:39

Na lya kawi lyifananyi nalyo, nalyo nyi ilyi, ‘Kunda momṟasa opfo cha mrima opfo.’

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 25:23

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 7:12

Kyasia shoose mukundi muṟundio nyi wandu, na nyoe waṟundienyi kuṙo. Kyipfa iga nyigo mawawaso na malosho ga weonguo shisuku.”

Waroma 13:10

Ikunda lyekyewutia momṟasa kyindo kyiwicho-pfo. Kyasia ikunda nyilyo lyaafutsia mawawaso.

Wagalatia 5:14

Kyipfa uwawaso loose lukyeri kyindonyi kyimwi tupu, nakyo nyi ikyi, “Ukunde momṟasa opfo chandu ukukundi kumonyi.”

Wagalatia 6:2

Taramanenyi na iosha iwawaso lya Kristo.

Waefeso 4:14

Kyaindi mulewuta necha, kyiyeri mulelya wukyiwa hamwi na inyi.

1 Watesalonikye 4:9

Ko mbonyi tsa ikundana, kuwoṙe kyimaṙuma kya imuṟeia-pfo; kyipfa nyoe muwenyi muwaloshe nyi Ruwa ikundana.

Yakobo 1:25

Kyaindi mndu moambuya mawawaso gaafutsie galakyeri ga wutumo, na ikaa kyiiṙi kyago, alawe mndu ekyeaṙanyia na iwaṙima indi mowuta kyilya aiicho, icho nechiwa agusu kyiiṙi kya iwuta lyakye.

Yakobo 2:12

Ṙeṙenyi na iwuta cha wandu wechianduyo kui uwawaso lulawoṙe wutumo.

Yakobo 2:19

Iyoe nuiṙikyie kye Ruwa nyi umwi; nowuta necha. Masatana nago gaiṙikyie na iṙeṙema.

Yakobo 4:11

Wana wa wama, maa mulairiane wongo. Moiria mono-wamae wongo, ang'u ianduya mono-wamae, nekyeiria wongo na ianduya uwawaso. Kyaindi koanduya uwawaso, noṙa iindia na iwooka ianduya.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.