Yakobo 2:14 - Kivunjo New Testament 1999

¹⁴ Wana wa wama wako, kuwoṙe kyiira kyiha, mndu kagamba nawoṙe iiṙikyia, kyaindi awoṙe mawuto-pfo? Ngyesa iiṙikyia lyilya lyechiiṙima imkyiṟa?

Yakobo 2:14 ပူးပေါင်းရင်းမြစ်များ

Matayo 5:20

Kyipfa ngammbia-kye wusumganyi wonyu wulandeng'anie wulya wo walosha wa mawawaso na Mafarisayo, mochiiṙa maa ale na Wumangyinyi wo ruwewu-pfo.”

Luka 3:11

Kagaluo, echiwawia, “Awoṙe kanzu tsiwi naenengye ulya alawoṙe kanzu; na awoṙe shelya nawewute kuṙo.”

Luka 6:49

Kyaindi ulya aleicho alawute kuṙo, mfano okye nyi cha mndu alewika numba handu halawoṙe iṟaṟa, mfu ukosoka ko pfinya, ikaoloka cha ilyi; na inyamaṟo lyayo lyikawa lying'anyi.”

Mawuto Ga Wasu 15:9

Maa aleluwutia soe kyindo kyilafananyi na kyilya alewawutia-pfo, echiwailyisha mrima yawo kui iiṙikyia.

Mawuto Ga Wasu 8:13

Na Simion kaiṙikyia kapatiso, kawaṙana tapu na Filyipo; kaṟiyio kyiyeri alewona ṟigo na shindo shing'anyi sheṟiyisha shiweiwutika.

Mawuto Ga Wasu 8:21

Uwoṙe ṙombo kyienengonyi kya ienenga wandu Mumuyo Mweele-pfo cha kyipfa mbele ya Ruwa mrima opfo uwoṙe wunyamaṟi.

Waroma 2:25

Kyipfa iṙino lyiwoṙe kyiira kokooya ui mndu okyewuta kyilya mawawaso gakundi. Kyaindi kowa mofunja mawawaso iṙino lyapfo lyawa cha ilyi ulamṙine.

1 Wakorinto 15:2

na kui yo muikyiṟo; kokooya muiosha mbonyi tsilya ngyilemuongoya; sile kokooya muleiṙikyia kya wulya.

1 Wakorinto 16:22

Mndu oose alakundi Mndumii nawe namsese. Maranata (kyimwi na igamba Mndumii oṙu naicha.)

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

1 Timoteo 4:8

Cha kyipfa ikuichiwiṟa iwaṙa pfinya tsa mmbiu kuwoṙe kyiira kyitutu, kyaindi iowuo na ikunda Ruwa shindonyi shoose nyi kyindo kyicha. Kyimwi na igamba, nuwoṙe kyiteṟio kya moo o wulalu, na ulya ochikouipfo mfiri-yo iicha.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 11:17

Kui iiṙikyia Abrahamu kyiyeri aleyesho, nalewuta Isakyi nawe kyiṙaso; na oe aleambilyia shaasa-sho naweiwuta mono-kye, mana kyimuumwi.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

Yakobo 1:16

Wana wa wama wako wakunde, mulalembo.

Yakobo 2:16

na mndu o konyu kawawia, “Yendenyi na ufoṟo, mundeoṙa moṙo na iiguṙa,” kyaindi alawaenengye sha mmbiu, kyawaṙa kyiira kyiha?

Yakobo 2:18

Kyaindi mndu negamba, “Iyoe nuwoṙe iiṙikyia, na inyi ngyiwoṙe mawuto. Ngyiloṟa iiṙikyia lyapfo kulawoṙe mawuto, na inyi ngyekuloṟa iiṙikyia lyako kui mawuto gako.”

Yakobo 2:26

Kyipfa chandu kyikyeri kye mmbiu ulawoṙe mrima upfiie, nyi wuṙo na iiṙikyia lyilawoṙe mawuto lyipfiie.

2 Petiro 1:5

Yee, na kyipfa kya ikyo mochipfuṟukana mnu ura lonyu, iiṙikyienyi lyanyu, wikyenyi ho na wucha, na wuchenyi wonyu wuṟango.