Yakobo 1:4 - Kivunjo New Testament 1999

⁴ Wusimiri wuwaṙe iṟunda lyiafukyie, muiṙime iwa wandu muafutsie kui maṟunda na wuyendelyi wucha.

Yakobo 1:4 ပူးပေါင်းရင်းမြစ်များ

Matayo 10:22

Na nyoe wandu woose wechimsuo kyipfa kya rina lyako; kyaindi ulya echikarishia mṟasa mafurumionyi nyi oe echikyia.

Matayo 19:20

Manakye ulya kammbia, “Igo goose ngyekyeosha kyilya gakundi. Ny'kyikyi ngyiwuṟie-se?”

Matayo 5:48

Kyasia nyoe mochiwa wandu walawoṙe mti, chandu Awu-yonyu o ruwewu alawoṙe mti.”

Mariko 10:21

Yesu kamwitukuya ko pfinya kamkunda, kammbia, “Nuuṟie kyindo kyimwi. Yenda, undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu; numa ya iho nnjo ungyioshe.”

Luka 18:22

Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

Luka 21:19

Na nyoe kui wusimiri wonyu mochikyiṟa mrima yanyu.”

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Yohane 17:23

Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

1 Wakorinto 2:6

Kyaindi kuwoṙe wuṟango luwuonguoe ko walya wapfulukyie kyimrima; indi chi wuṟango wo wuyana-wu-pfo, maa wo iwo waichilyia wuyana-wu, wekyeilachika-pfo.

Wagalatia 6:9

Lyingyi-se maa lulalemo iwuta shindo shicha; kyipfa lochisambuo ilyi kyiyeri kyechishika, lulandewine.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

1 Watesalonikye 5:23

Ruwa o ufoṟo amonyi namuilyishe nakamwi, na nyoe mrima yanyu na ngoo tsanyu na mmbiu yanyu, muwe wandu mulawoṙe ṙeko, kyiyeri kya icha lya Mndumii oṙu Yesu Kristo.

2 Timoteo 3:17

Kundu mṟundi o Ruwa nawe mndu aafutsie echiiṙima iṟunda orio iṟunda lyicha.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 3:2

Kyipfa lokyekapa ṙende soe loose shindonyi shifoi. Mndu alekyekapa ṙende kyiiṙi kya iṙeṙa, icho nyi mndu aafutsie, echiiṙima itirimisha mmbiu okye oose cha kui kyindo kyilya kyekyetirimisha shindo.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

2 Petiro 1:9

Kyipfa ulya alawoṙe isho nyi kyipfupfuṟe, echiiṙima iwona shindo shikyeri kuleshi-pfo, nawaṙima kulya iyeṟemtso maṙeko gakye ga kacha.