Yakobo 1:27 - Kivunjo New Testament 1999

²⁷ Mwiṙikyie mcha ulawoṙe kyindo kyifanyi mbele ya Mndumii Ruwa nyi ichu: indesaia ngoṙa na wakusu wukyiwenyi wowo, na ikushowa na wuyana kulawoṙe wunyamaṟi.

Yakobo 1:27 ပူးပေါင်းရင်းမြစ်များ

Matayo 12:32

Na mndu oose echiṙeṙa Mono-Adamu uwicho nechihooṟio, kyaindi ulya echiṙeṙa Mumuyo Mweele uwicho echihooṟio-pfo.’ ”

Matayo 5:8

Wagusu iwo wawoṙe mrima mmbaṙami; kyipfa iwo wechiwona Ruwa.

Luka 1:6

Na woose wewawi wawewoṙe wusumganyi mbele ya Ruwa, wechiosha mawawaso goose ga Mndumii na shilya atutumie kulawoṙe igambo kye wawoṙe kyindo kyoose kyiwicho.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Waroma 2:13

Kyipfa chi woose wekyeicho mawawaso wai wasumganyi mbele ya Ruwa-pfo, indi nyi walya wekyewuta kyilya mawawaso gakundi wechitalyio wusumganyi.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wagalatia 3:11

Nyi kyindo kyiichio na pata kye kuwoṙe mndu ekyetalyio wusumganyi mbele ya Ruwa kui mawawaso-pfo; cha kyipfa, “Mndu msumganyi nechiwaṙa moo kui iiṙikyia.”

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wagalatia 6:14

Kyaindi inyi, ote, ngyilakushelyie kyindo kyoose sile msalaba o Mndumii oṙu Yesu Kristo, ulya ulengyienenga inyi iṙa iosha mbonyi tsa wuyana.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

1 Timoteo 5:4

Kyaindi mkusu kokooya nawoṙe wana ang'u wachuku, wakuloshe kuwooka iwuta shilya wawaṟi iwutia wa kanyi kowo, na itaa wafee wawo. Cha kyipfa nyi kyindo kyichihiṟie mbele ya Ruwa.

Tito 2:12

Nalyo lyilulosha ilega wuwicho na lango tsa kyiwuyana; luiṙime iwaṙa moo na meena, na wusumganyi, na iowuo na ikunda Ruwa, kyiiṙi kya wuyana-wu wo wulalu.

Yakobo 3:17

Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

Yakobo 3:9

Kui ulumi lokyeṟumisha Ruwa Awu oṙu, na kui ulumi lokyesesa wandu walegumbo kui fana ya Ruwa.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

2 Petiro 1:4

Lyingyi-se ko isho naleluenenga shaasa shing'anyi mnu, sha woguru, kundu kye kui ikyo muiṙime iwa hamwi na walya wawoṙe mkaṟo o kyiRuwa, mochikyiṟo iwuka wunyamaṟinyi wukyeri wuyanenyi kyipfa kya lango.

2 Petiro 2:20

Cha kyipfa walya walemṙicha mawicho ga wuyana kui imanya Mndumii na Mkyiṟa Yesu Kristo, kokooya wawoṙo-se na iwingo, mbaṟe yawo ya mafurumionyi gawo nyi ingyiwicho kuta iya ya kuwooka.

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

1 Yohane 5:18

Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.