Yakobo 1:25 - Kivunjo New Testament 1999

²⁵ Kyaindi mndu moambuya mawawaso gaafutsie galakyeri ga wutumo, na ikaa kyiiṙi kyago, alawe mndu ekyeaṙanyia na iwaṙima indi mowuta kyilya aiicho, icho nechiwa agusu kyiiṙi kya iwuta lyakye.

Yakobo 1:25 ပူးပေါင်းရင်းမြစ်များ

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Yohane 13:17

Wulalu momanya isho ngammbia; agusu nyoe kokooya moshiwuta!

Yohane 8:36

Kyasia Mana kammbuta wusingyenyi, mochiwuka wusingyenyi loi loi.

Mawuto Ga Wasu 13:43

Kyiyeri walya wawesanzie sinagoginyi walelekana, Wayuda na wandu wafoi waweowuye Ruwa na imkunda wakaoshana na Paulo na Barinaba waleṙeṙa nawo wechiwakarisha wakae isaṟienyi lya Ruwa mfiri yoose.

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Mawuto Ga Wasu 26:22

Kyasia cha kyipfa ngawona kyitarama kyiwukyie ko Ruwa ngyigoṟokyi iha inu ngyeṟingyishia wana watutu na wandu wang'anyi, maa ngyigamba kyindo sile shilya weonguo shisuku na Mose waleonguo-pfo. Shindo walegamba kye shechiwa,

Waroma 11:22

Kyasia, ambuya-ng'u, wucha na wulang'a wo Ruwa; ko walya waolokyie wulang'a; indi kopfo iyoe wucha wo Ruwa, kokaa kyiiṙi kya wucha-wo; sile nyi wuṙo, iyoe taa nowiyitso kuleshi.

Waroma 2:13

Kyipfa chi woose wekyeicho mawawaso wai wasumganyi mbele ya Ruwa-pfo, indi nyi walya wekyewuta kyilya mawawaso gakundi wechitalyio wusumganyi.

Waroma 7:12

Kyasia uwawaso lungyiele. Na iwawaso lyilya lyilyiele, na lya wusumganyi, na lyilyicha.

Waroma 8:15

Cha kyipfa Mumuyo ulya Ruwa amuenengyie omugaluo nyoe watumo na imuenenga wuowu-pfo; indi muleambilyia Mumuyo o imugaluo wana, na kui Mumuyo-cho luilaga Papa, nyi kyimwi na igamba Awu.

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

2 Wakorinto 13:5

Kuruwe-ruwenyi muwenyi kye mukyeri iiṙikyienyi. Kuṟingyishienyi muwenyi. Ang'u muichi muwenyi kye Yesu Kristo nakyeri mrimenyi konyu? Sile molego.

Wagalatia 2:4

Indi kyipfa kya wandu walekuloṟa kye waiṙikyie Yesu na kunu waweiṙikyie-pfo, wandu walekulunga na soe kui kyiṟika kundu wamanye mbonyi tsaṙu soe lulawachilyie nyi kyindo kyiiṙi kya Kristo Yesu, kundu ilyi numa waluwikye wusingyenyi.

Wagalatia 5:1

Kyiiṙi kya iwa wana wa mka o wolyi Kristo nalelugaluo wandu walakyeri wuchilyinyi wo kyindo kyoose. Koikyo maa mulalolome, maa ichilyio-se nyi wutumo.

Wagalatia 6:2

Taramanenyi na iosha iwawaso lya Kristo.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

1 Timoteo 2:15

Kyaindi mndu mka nechikyiṟo kui iwaṙa wana, kokooya awaṙa iiṙikyia Yesu na ikunda na iilyisho, hamwi na mrima uwoṙe meena.

1 Timoteo 4:16

Ringa mrima opfo, na malosho gapfo. Ulalekane na shindo-sho; kyipfa kui iwuta kuṙo nochikyiṟa mrima opfo na mrima ya walya wechiicho shilya uilosha.

Waebrania 12:15

mochiambuya mnu mndu alauṟe isaṟia lya Ruwa. Na mndu oose alawe cha iṟa lyekyewawa, namulyise nyoe wukyiwa na ifanyiṟa mkaṟo ya wandu.

Yakobo 2:12

Ṙeṙenyi na iwuta cha wandu wechianduyo kui uwawaso lulawoṙe wutumo.

1 Petiro 2:16

Cha wandu walawachilyie nyi kyindo, kyaindi walekyekusuria ikyo kui iṟika wuwicho, indi cha waṟundi wa Ruwa.

1 Yohane 2:24

Kyasia nyoe, ikyo mulekyiicho wookyia mawookyionyi, kyikae mrimenyi konyu. Kokooya ikyo mulekyiicho wookyia mawookyionyi kyikyeri mrimenyi konyu na nyoe mochikaa ko Mana, na ko Awu.

Ulogo 14:13

Ngaicho ṟui iwuka ruwewu, lyechigamba, “Ṟeia. Wagusu wapfu wapfa wakuwoṙe na Mndumii wookyia wulalu. Yee, Mumuyo nagamba, waiṙime ionyonya numa ya ngyuukyiwa tsawo; cha kyipfa mawuto gawo gaioshana nawo.”

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.