Yakobo 1:21 - Kivunjo New Testament 1999

²¹ Koikyo wikyienyi kuleshi ukoe loose na wuwicho wuingyikyie, na iambilyia kui wuhoo Ṙeṙo lyilya lyilewooyo konyu, lyechiiṙima ikyiṟa mrima yanyu.

Yakobo 1:21 ပူးပေါင်းရင်းမြစ်များ

Matayo 5:5

Wagusu iwo wawoṙe wuhoo; kyipfa iwo wechioṟa uruka.

Yohane 6:63

Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo.

Yohane 6:68

Simion Petiro kagaluo, kagamba, “Mndumii! Luyende ko wui? Iyoe nuwoṙe maṙeṙo ga moo o mlungana.

Mawuto Ga Wasu 10:33

Cha ilyi ngaṙuma wandu kopfo, na iyoe nowuta necha icha. Kyasia soe loose lukyeri iha mbele ya Ruwa, luiṙime iaṙanyia mbonyi tsilya Mndumii alekuwia uluongoye.”

Mawuto Ga Wasu 13:26

“Wana wa wama wako, wana wa kyishari kya Abrahamu, na iwo wai konyu waowuye na ikunda Ruwa, Ṙeṙo lya wukyiṟo-wu lyaendo na koṙu nyi mndu Ruwa amṙumie.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 11:17

Kyaindi kokooya mbaga tsingyi tsilemanyo, na iyoe mseituni o nguṙunyi nuleṙongo kyiiṙi kyatso, kowa mbumbu imwi ya ikyiṙi lya mseituni na wucha wolyo,

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

1 Wakorinto 15:2

na kui yo muikyiṟo; kokooya muiosha mbonyi tsilya ngyilemuongoya; sile kokooya muleiṙikyia kya wulya.

2 Wakorinto 7:1

Kyasia-ng'u, wakunde wako, cha kyipfa luwoṙe shaasa-sho, lusanje mrima-i yaṙu ilekane na ukoe loose lo mmbiu na mrima, kunu lochiafutsia wuele kui iindia Ruwa.

Wafilyipi 1:13

Na nyoe taa kyiiṙi kya icho momuicho ulogo lo loi, Ndumi Ngyicha ya wukyiṟo wonyu. Lyingyi-se momumwiṙikyia oe, na iwiko fana nyi Mumuyo ulya o kyaasa akyeri Mweele.

Wafilyipi 4:22

Ṙenyi mbonyi tsa mchumie o kuwooka o mndu o kacha, okyenyamaṟika kui iosha lango tsekyelemba.

Wafilyipi 4:25

Kyasia ṙenyi wongo, muṙeṙe loi orio mndu na momṟasa okye; kyipfa soe lukyeri shiwungo, orio umwi kyiwungo kya oṙoe.

Wafilyipi 5:4

Maa sonu, maa maṙeṙo ga wutondo, maa ngaruo; isho shekyechihiṟa-pfo; indi nanga iana.

1 Watesalonikye 1:5

Kye Ndumi Ngyicha lulemuongoya iwekyeri kui maṙeṙo tikyi-pfo, indi na kui pfinya, na Mumuyonyi Mweele, kui iṟingyishia na pata kye ulogo-lu nyi lo loi. Chandu muichi chandu mkaṟo yaṙu iwekyeri konyu, kyipfa kyanyu.

1 Watesalonikye 2:13

Kyipfa kya ikyo na soe lokyeana Ruwa orio kyiyeri, cha kyipfa kyiyeri muleambilyia ndumo ya Ruwa muleiicho koṙu, muleiambilyia chi cha ulogo lo wandu-pfo, indi cha ulogo lo Ruwa; na nyi wuṙo ulogo-lo lukyeri; lokyeṟunda taa mrimenyi konyu nyoe muiṙikyie.

Tito 2:11

Kyipfa isaṟia lya Ruwa lyekyekyiṟa wandu woose lyamloṟo.

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 4:2

Kyipfa nyi loi, maa soe taa luleongoyo mbonyi ngyicha chawo. Kyaindi mbonyi-tso wandu waleicho tsilewatarama kyindo-pfo kyipfa tsileṙuana na iiṙikyia lya mrimenyi ko walya waleicho-pfo.

Yakobo 4:8

Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.

Yakobo 5:20

manyenyi kye ulya motarama mṙeko iwuka njienyi ya wuṙetsi, nechikyiṟa mrima okye na upfu, na ishikyia wuingyi wo ngyuunyamaṟi.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 1:9

Kyiiṙi kya ichihiyo lyanyu wulalu Ruwa naimukyiṟa, ikyiṟo lyikyeri ndunda tsa iiṙikyia lyanyu lyikyeri kui Yesu Kristo.

1 Petiro 2:1

Kyasia, ṙenyi wuwicho na ngyeṟo, na wukulembecheṟi na wunyeng'i na iiria wengyi shindo sha wongo.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.