Yakobo 1:19 - Kivunjo New Testament 1999

¹⁹ Isho muichi, wana wa wama wako wakunde. Kyasia orio mndu nawe mwanguhu iaṙanyia indi chi mwanguhu iṙeṙa maa ikapo nyi nyashi-pfo; maa moṙeṙa-pfo.

Yakobo 1:19 ပူးပေါင်းရင်းမြစ်များ

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Mariko 12:37

“Dawidi amonyi nagamba nyi Mndumii; kyasia nawa kuṙa mono-kye?” Na wuingyi wung'anyi wo wandu waweimwaṙanyia kui sia.

Mariko 2:2

Halya kanyi hakasanzia wandu wafoi halatsugae maa ṙaawa moongonyi. Kawaongoya Ṙeṙo lyakye.

Luka 15:1

Kyasia wesania ukamba woose na wanyamaṟi wawetikyira kufuhi na oe wamwaṙanyie.

Luka 19:48

Walawone kyewuta, cha kyipfa wandu woose waweoshana na oe, wemwaṙanyia.

Mawuto Ga Wasu 1:15

Mfiri iya Petiro kagoṟoka kyiiṙi kya walya wawekyeosha Yesu (itala lyawo cha igana na makumi gawi),

Mawuto Ga Wasu 10:33

Cha ilyi ngaṙuma wandu kopfo, na iyoe nowuta necha icha. Kyasia soe loose lukyeri iha mbele ya Ruwa, luiṙime iaṙanyia mbonyi tsilya Mndumii alekuwia uluongoye.”

Mawuto Ga Wasu 13:48

Kyiyeri wandu walaichi Ruwa waleicho isho wakachihiyo, wakang'anyisa Ṙeṙo lya Ruwa na walya wawewaṟeyeṟie moo o mlungana wakaiṙikyia.

Mawuto Ga Wasu 17:11

Wandu-wa wawewoṙe ngaruo cha walya wa Tesalonikye-pfo, cha kyipfa waleambilyia ndumo iya kui mrima mkyesi, wakakulosha shiṟeio shiele orio mfiri, kundu wamanye kokooya mbonyi na wuṙo tsikyeri chandu Paulo alewawia.

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Wafilyipi 4:26

Kaponyi nyi nyashi, indi mulanyamaṟe; mnengyeṟi ulaolokyie nyashi ilandesie.

Wafilyipi 4:31

Isuo lyoose lying'anyi na nyashi tsoose na ikalagatsa na shilahio shilakae konyu, hamwi na wuwicho wo orio mbaṟe.

Wakolosai 3:15

Na ufoṟo lo Kristo luloṟe kyilya kyiwaṟi mrimenyi konyu, nyikyo mulelagio mmbiunyi umwi; lyingyi-se muwe wandu wekyeana.

Wakolosai 3:8

Kyaindi wulalu wikyienyi kuleshi na nyoe ishi shoose: nyashi, na isuo lying'anyi, na uwicho, na shilahio, na maṙeṙo ga wusutsu ṙumbunyi konyu.

1 Watesalonikye 2:13

Kyipfa kya ikyo na soe lokyeana Ruwa orio kyiyeri, cha kyipfa kyiyeri muleambilyia ndumo ya Ruwa muleiicho koṙu, muleiambilyia chi cha ulogo lo wandu-pfo, indi cha ulogo lo Ruwa; na nyi wuṙo ulogo-lo lukyeri; lokyeṟunda taa mrimenyi konyu nyoe muiṙikyie.

Yakobo 1:16

Wana wa wama wako wakunde, mulalembo.

Yakobo 1:2

Wana wa wama wako, talenyi kye nyi sia tikyi, mukooloka shiyeshonyi sha orio mbaṟe;

Yakobo 1:26

Mndu kakusaṟa kye nawoṙe mwiṙikyie, indi ekyeringa ulumi lokye-pfo, kunu echilemba mrima okye, mwiṙikyie o mndu-cho chi kyindo-pfo.

Yakobo 2:1

Wana wa wama wako, iiṙikyia lya Mndumii oṙu Yesu Kristo, Mndumii o mng'ano, maa mulawe nalyo kui ikundia wandu.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

Yakobo 3:10

Kyiiṙi kya ṙumbu lyilya lyilya kokyewuka mboṟa na seso. Wana wa wama wako, kyiwaṟi mbonyi-tso tsiwe kuṙo-pfo.

Yakobo 4:11

Wana wa wama, maa mulairiane wongo. Moiria mono-wamae wongo, ang'u ianduya mono-wamae, nekyeiria wongo na ianduya uwawaso. Kyaindi koanduya uwawaso, noṙa iindia na iwooka ianduya.

Yakobo 5:12

Kyaindi ngoseṟa ya shoose, wana wa wama wako, mulalye nyamu, kui Ruwewu maa kui uruka; maa kui mbaṟe ingyi yoose; indi yee yanyu iwe yee, na ote yanyu iwe ote, kundu Ruwa alamuanduye.

Yakobo 5:19

Wana wa wama wako, kokooya mndu o konyu aṙetsa njia ya wukyiṟo, na mndu ungyi kamtarama iwuya;

1 Yohane 2:21

Ngyilemuṟeia nyoe kyipfa mulaichi kyikyeri loi-pfo, indi cha kyipfa muichi kyilya kyikyeri loi, lyingyi-se kye kuwoṙe kyoose kya wongo kyekyewuka ipfo kyindonyi kyikyeri loi-pfo.