Yakobo 1:12 - Kivunjo New Testament 1999

¹² Agusu mndu ekyekarishia shiyesho; cha kyipfa kamwiṙikyio neambilyia wori wo moo, wulya Mndumii aṟeyeṟie walya wamkundi.

Yakobo 1:12 ပူးပေါင်းရင်းမြစ်များ

Matayo 10:22

Na nyoe wandu woose wechimsuo kyipfa kya rina lyako; kyaindi ulya echikarishia mṟasa mafurumionyi nyi oe echikyia.

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Luka 6:22

“Wagusu nyoe ilyi wandu wemsuo, na imshingyia nja, na imlahia, na inyamaṟa rina lyanyu, kyipfa kya Mono-Adamu.

Waroma 5:4

Na iṟunda lya wusimiri nyi ikarisho lya mrima. Na iṟunda lya ikarisho lya mrima nyi ikusuria.

Waroma 8:28

Na soe luichi kye shindonyi shoose Ruwa nekyeṟunda hamwi na walya wamkundi kyiiṙi kya iwanenga mecha, kyimwi na igamba soe luwalage chandu Ruwa akundi.

1 Wakorinto 2:9

Kyaindi, chandu kyikyiṟeie, “Shindo shilya riso lyilaleshiwona, maa kuṙwi kulaleshiicho (Maa iiṙa na mrimenyi ko mndu), shindo shilya Ruwa aleṟeyeṟia wamkundi.”

1 Wakorinto 8:3

Kyaindi mndu kakunda Ruwa, icho Ruwa namwichi.

1 Wakorinto 9:25

Na orio mndu ekyeṙicha nekyekuima shindo shifoi. Kyasia iwo wekyewuta kuṙo kundu waambilyie iṟikoso lyekyenyamaṟika; indi soe lokyeambilyia iṟikoso lyilekyenyamaṟika.

2 Timoteo 2:15

Pfuṟukana iloṟa kye numwiṙikyie nyi Ruwa, mṟundi alawoṙe kyitewe kyerigo nyi sonu, na ilosha necha Ndumi Ngyicha.

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Waebrania 10:32

Kyaindi kumbuonyi mfiri ya mawookyionyi, iya kyiyeri mulewona ngyeela, mulekarishia iwingana lying'anyi lya fowa.

Waebrania 11:17

Kui iiṙikyia Abrahamu kyiyeri aleyesho, nalewuta Isakyi nawe kyiṙaso; na oe aleambilyia shaasa-sho naweiwuta mono-kye, mana kyimuumwi.

Waebrania 12:5

Lyingyi-se mulewaṙima shilya muleikyimbio, shekyeṙeṙa na nyoe cha iṙeṙa na wana, “Mono-ko, ulamine kyiyeri Ruwa akugalutsa mkaṟo yapfo, Maa ulaṙe iaṙanyia kyiyeri oe akuṟoṟoma. Kyipfa ulya Ruwa amkundi nekyemwilacha mkaṟo yakye.

Waebrania 6:15

Na kuṙo kui isimiria kawona kyaasa kyilya.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

Yakobo 5:11

Ambuyenyi, lokyegamba wagusu walya walesimiria. Muleicho mbonyi tsa wusimiri wo Yobu, mulewona mafurumionyi ga Mndumii kye Mndumii nyi nawoṙe isaṟia na iwoṙo nyi fowa mrimenyi.

1 Petiro 3:14

Kyaindi kokooya molyiso wukyiwa kyipfa kya iwa wasumganyi muwoṙe sia ing'anyi. Maa mulaowuo iowesha lyawo, maa mulaiṟewe mrimenyi; indi ilyishenyi Kristo Mndumii mrimenyi konyu.

1 Petiro 4:13

Kyaindi chandu mulelya wukyiwa wo Kristo, chihiyonyi; kundu na kyiyeri kyiṟumi kyakye kyechiloṟo muchihiyo kui ikapa ngulyilyi na ngoru.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

1 Yohane 4:19

Soe lukundi cha kyipfa oe nalelukunda soe kuwooka.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.

Ulogo 3:19

Woose ngyiwakundi ngyekyewaṟoṟoma na iwatoṟisha. Kyasia waṙa wuragari, uṙumbuye wunyamaṟi.

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.