Waroma 8:9 - Kivunjo New Testament 1999

⁹ Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

Waroma 8:9 ပူးပေါင်းရင်းမြစ်များ

Luka 11:13

Kyasia, kokooya nyoe mui wawicho muichi ienenga wana wanyu shisumbo shicha, ngyesa chi ngoseṟa mnu awu onyu akyeri ruwewu echienenga Mumuyo Mweele walya wekyemterewa-pfoe?”

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 3:34

Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Yohane 3:6

Kyikyifee nyi mmbiu nyi mmbiu; na kyikyifee kui Mumuyo nyi mumuyo.

Mawuto Ga Wasu 16:7

Kyiyeri waleshika mṟasenyi na Misia, wakatambagana iyenda Bitinia, kyaindi Mumuyo o Yesu alawaenengye momu.

Waroma 7:5

Kyipfa kyiyeri luwekyeri na mbaṟe ya mmbiu, lango tsa wunyamaṟi tsiwekyeri pfo kyipfa kya uwawaso, tsileṟunda mmbiunyi yaṙu lukopfa.

Waroma 8:1

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

1 Wakorinto 15:23

Kyaindi orio umwi handu hakye; o kuwooka iṟuka ko wapfu nyi Kristo; numa walya wakyeri wa Kristo, kyiyeri echicha.

1 Wakorinto 3:16

Muichi kye nyoe mowa hekalu lya Ruwa, na kye Mumuyo o Ruwa nekyekaa mrimenyi konyu?

1 Wakorinto 6:17

Kyaindi ulya amlungye na Mndumii nakyeri kyindo kyimwi na oe mrimenyi kokye.

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

2 Wakorinto 10:7

Ambuyenyi shikyeri mbele ya meso ganyu. Mndu kawona oe amonyi kye nyi mndu o Kristo, nawekusaṟe kuṙi taa mrimenyi kokye, kye chandu oe akyeri mndu o Kristo, nyi wuṙo na soe.

2 Wakorinto 6:16

Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

Wagalatia 4:6

Na kyipfa nyoe mowa wana, Ruwa naleṙuma Mumuyo o Mono-kye mrimenyi konyu, ekyegamba, “Aba,” kyimwi na igamba Awu.

Wagalatia 5:24

Na iwo wakyeri wa Kristo Yesu wekyechilyio-se nyi lango tsa mmbiu yawo-pfo.

Wafilyipi 1:13

Na nyoe taa kyiiṙi kya icho momuicho ulogo lo loi, Ndumi Ngyicha ya wukyiṟo wonyu. Lyingyi-se momumwiṙikyia oe, na iwiko fana nyi Mumuyo ulya o kyaasa akyeri Mweele.

Wafilyipi 2:22

Kyiiṙi kyakye nyoe muwawikye handu hamwi ikaa kanyi ko Ruwa Mumuyonyi.

Wafilyipi 3:17

Kristo nakae mrimenyi konyu kui iiṙikyia, muwakarishe ikundenyi.

Waefeso 1:19

Kyipfa ngyiichi kye ishi shengyigalukyia shiwe wukyiṟo woko, kyipfa kya shiterewo shanyu na kyitarama kyiwukyie ko Mumuyo o Yesu Kristo ngyechiwa mndu alamchilyie nyi kyindo;

2 Timoteo 1:14

Ringa kyindo kyilya kyicha kui Mumuyo Mweele ekyekaa mrimenyi koṙu.

1 Petiro 1:11

Wakapfula nyi kyiyeri kyiha, na nyi kyiyeri kya mbaṟe iha kyileikyimbo nyi Mumuyo o Kristo awekyeri mrimenyi kowo, ulya alesonguo iṟingyishia matuuro Kristo echienengo, na kyiṟumi kyekokyikyeri pfo numa ya isho.

1 Yohane 3:24

Na oe ekyeosha shilya mawawaso gakye gagamba namlungye na Ruwa, na Ruwa namlungye na oe. Na kyipfa kya Mumuyo ulya Ruwa aleluenenga luichi kye Ruwa namlungye na soe.

1 Yohane 4:13

Kyipfa kya ikyo luichi kye lukyeri kokye, na oe nakyeri koṙu, cha kyipfa naluenengyie Mumuyo okye.

1 Yohane 4:4

Nyoe, wana watutu, muwoṙe mumuyo uwukyie ko Ruwa; na nyoe mowawinga; cha kyipfa ulya akyeri mrimenyi konyu nang'anyi kuta ulya akyeri wuyanenyi.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.

Ulogo 20:15

Na kokooya mndu oose alalewono amṟeie kyitapunyi kya moo, nalewiyitso kulya iruwenyi lya moṙo.