Waroma 8:7 - Kivunjo New Testament 1999

⁷ Cha kyipfa kyilya mmbiu ukundi nyi kyituwa ko Ruwa, kyipfa kyekyeindia iwawaso lya Ruwa-pfo, maa kyeiṙima ilyiindia-pfo.

Waroma 8:7 ပူးပေါင်းရင်းမြစ်များ

Matayo 12:34

Nyoe maalea ga njoka, moiṙima kuṙa iṙeṙa shindo shicha, mui wawicho? Kyipfa, ṙumbu lya mndu lyekyeṙeṙa shilya shiichuṟie mrima-cho okye.

Matayo 5:19

Kyasia mndu oose echinyamaṟa iwawaso lyimwi kyiiṙi kya iga gai matutu, na ilosha wandu kuṙo, nechilago mtutu kuta woose Wumangyinyi wo ruwewu; kyaindi mndu echigaosha na igalosha, icho nechilago ang'anyi Wumangyinyi wo ruwewu.

Yohane 7:7

Wandu wa wuyana weiṙima imsuo nyoe-pfo; indi wangyisuuye inyi, cha kyipfa inyi ngyiṟingyishia kye mawuto gawo gamawicho.

Waroma 1:28

Na chandu walelega iwika Ruwa ngyuuṟangonyi tsawo, Ruwa nalewaṙa waoshe ngyuuṟango tsawo tsilawoṙe kyiira, wawute shilawaṟi iwuta.

Waroma 1:30

Wekyeiria woṙiawo wongo, wasuuye Ruwa, wawoṙe tiri, wekyekushela, wekyeṙamia kyiṙombo kyeṙeṙa wongo, walekyeindia wafee wawo.

Waroma 3:31

Kyasia, ngyesa luilacha mawawaso kui iiṙikyia-lyo? Ote! Cha kyipfa luindia mawawaso chandu gawaṟi iindio.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 7:22

Cha kyipfa mrimenyi koko ngyimchihiye kyipfa kya iwawaso lya Ruwa.

Waroma 8:4

Kundu shilya shishigambe mawawasonyi, shiafutsio mrimenyi koṙu soe, lulekyekaa kui iosha mbonyi tsa mmbiu, indi mbonyi tsa mrima.

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 9:21

Ko walya walawoṙe mawawaso ngyilewa cha ngyilawoṙe mawawaso (chi kye ngyilawoṙe mawawaso mbele ya Ruwa-pfo, indi ngyiwoṙe mawawaso mbele ya Kristo), kundu ngyigalutsie ura lo Yesu walya walawoṙe mawawaso.

Wakolosai 1:21

Na nyoe muwekyeri ipfo mawookyionyi kuleshi na Ruwa, lyingyi-se washituwa wakye makusaṟonyi ganyu, kui mawuto ganyu mawicho, namusanza wulalu;

Wakolosai 2:18

Mndu alamusokye wori wonyu, kui iindia chandu akukundia amonyi tikyi, na iindia malaika, echikuloṟa shindonyi amloṟe indi shilai sha loi echikushela, kui wuṟango wokye wo kyimmbiu.

2 Timoteo 3:4

Wekyeṟiinga woṙoe, walekyeicho, wekyekushela, wakundi sia tsa wuyana kuta ikunda Ruwa.

Waebrania 8:10

Kyipfa ichu nyicho mma ngyechiwika na wandu wa Isiraelyi numa ya mfiri iya, Ruwa nagamba, ‘Ngyechiwika mawawaso gako makusaṟonyi gawo, na ngyechigaṟeia mrimenyi kowo. Na inyi ngyechiwa Ruwa kowo, nawo wechiwa wandu wako.’

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

2 Petiro 2:14

Wawoṙe meso gaichuo wuṟui, wandu walekyeṙa iwuta wunyamaṟi, wekyelemba mrima ilangyikarishe, wawoṙe mrima ingyiichiwiṟe ilanga, wana wa seso.