Waroma 8:34 - Kivunjo New Testament 1999

³⁴ Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

Waroma 8:34 ပူးပေါင်းရင်းမြစ်များ

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Waroma 8:27

Na oe ai moruwa-ruwa mrima, naichi kyilya Mumuyo akundi cha kyipfa nekyeterewia wandu wa Ruwa chandu Ruwa akundi.

1 Petiro 3:22

Na oe nakyeri kuwoko ko kulyoe ko Ruwa, nayenda ruwewu, echichilyia malaika na shindo shingyi shoose shiwoṙe pfinya kulya ruwewu.

Waebrania 9:24

Cha kyipfa Kristo aleiṙa na handu haele haleachikyio nyi wandu-pfo, nyicho mfano o handu haele ha loi; indi naleiṙa na ruwewu ya loi nawono wulalu mbele ya Ruwa kyipfa kyaṙu.

Waroma 8:1

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

Mariko 16:19

Kyasia Mndumii Yesu, amṙeṙe nawo, kaṙoo wuye ruwewu, kaṙamia kuwoko ko kulyoe ko Ruwa.

Wakolosai 3:1

Kyasia, mukyeri kye muleṟutso hamwi na Kristo, pfulenyi shindo shikyeri ruwewu, kundu Kristo akyeri, naṙamie kuwoko ko kulyoe ko Ruwa.

Ulogo 1:18

na ai na moo; na inyi ngyiwepfiie na wulalu ngyii na moo mṟasa mlungana na mlungana. Na inyi ngyiwoṙe ngyuupfunguo tsa upfu, na tsa halya-ndu wapfu wekyekaa.

Waroma 14:9

Kyipfa Kristo nalepfa kawaṙa-se moo kyipfa kya ikyi, nachilyie wapfu na wai na moo taa.

Waroma 4:25

Ulya alewuto kyipfa kya maṙeko gaṙu, na iṟutso kundu luiṙime italyio wusumganyi.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waroma 14:13

Kyasia lulaengyeṟe ianduyana, indi nanga mowuta ianduya lya mbaṟe-i, mndu alawute kyindo kyetewe mono-wamae ang'u kyemwolotsa.

Yohane 16:23

Lyingyi-se mfiri ulya mochingyiwesa kyindo kyoose-pfo. Ny'kyaloi ngammbia, mukoterewa Awu kyindo kyoose nechimuenenga kui rina lyako.

Yohane 14:19

Hatsugae kyiyeri kyitutu wandu wa wuyana walechingyiwona-se; indi nyoe mungyiwonyi. Na kyipfa inyi ngyiwoṙe moo, maa nyoe mochiwaṙa moo.

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Mawuto Ga Wasu 2:24

Ulya Ruwa alemṟutsa, kammbuta wukyiwenyi wo ipfa, cha kyipfa kyileiṙimika wukyiwa-wo wumpaaye-pfo.