Waroma 8:3 - Kivunjo New Testament 1999

³ Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

Waroma 8:3 ပူးပေါင်းရင်းမြစ်များ

Mariko 15:27

Na hamwi na oe walekapia msalabenyi wasokyi wawi, umwi kuwoko kokye ko kulyoe na umwi kuwoko kokye ho kumoso. [

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 9:24

Kyasia lya kawi Mafarisayo wakalaga mndu ulya awei kyipfupfuṟe, wakammbia, “Enenga Ruwa kyiṟumi. Soe luichi kye mndu-chu nyi mnyamaṟi.”

Mawuto Ga Wasu 13:39

Na kui oe orio momwiṙikyia nekyetalo kye namsumganyi shindonyi shoose alechiiṙima italo kye namsumganyi kui uwawaso lo Mose.

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

Waroma 6:6

Luichi mbonyi-tsi kye, mkaṟo oṙu o kacha ulekapio msalabenyi hamwi na oe, kundu mmbiu o wunyamaṟi uilachikye lulachilyio-se nyi wunyamaṟi.

Waroma 7:18

Cha kyipfa ngyiichi kye mrimenyi koko, lugambe mmbiunyi oko, kokyekaa kyindo kyicha-pfo cha kyipfa ikunda ngyikundi, indi iwuta kyindo kyicha ngiiṙima-pfo.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Waroma 9:3

Kyipfa ngyiweiṙima iterewa inyi ngyimonyi iseso nyi Ruwa na iletsano na Kristo kyipfa kya wana wa wama wako, kyishari kyako kyimmbiu.

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

Wagalatia 3:21

Kyasia, ngyesa uwawaso lokyewingana na shaasa sha Ruwa? Ote! Cha kyipfa kokooya mawawaso gekyeende moo galaleṙiko, loi wusumganyi wuwechiwono kui mawawaso.

Waefeso 2:7

kyaindi nalekuloṟa kye awoṙe mng'ano oose-pfo, kawa cha mtumo, kafanana na mndu.

Waebrania 10:12

Kyaindi ichu, kyiyeri amwenengyie kyipfa kya wunyamaṟi kyiṙaso kyimwi kyechikaa mṟasa mlungana, naleṙamia kuwoko ko kulyoe ko Ruwa;

Waebrania 10:14

Kyipfa kui kyiṙaso kyakye kyimwi nalewagaluo wandu waafutsie mlungana walya waiilyisho maṙeko gawo.

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.