Waroma 8:2 - Kivunjo New Testament 1999

² Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

Waroma 8:2 ပူးပေါင်းရင်းမြစ်များ

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 6:63

Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo.

Yohane 8:32

lyingyi-se mochimanya wuloi wo mbonyi tsa Ruwa, na wuloi-wo wochimmbuta wusingyenyi.”

Yohane 8:36

Kyasia Mana kammbuta wusingyenyi, mochiwuka wusingyenyi loi loi.

Waroma 16:3

Ngyiiṟikyiṟienyi Pirisikyila na Akyila, wandu wai waṟundi hamwi na inyi kyiiṙi kya Kristo Yesu,

Waroma 3:27

Kyasia ikushela nyi kwi lyikyeri-ng'u? Lyashingyio nja. Kui iwawaso lya mbaṟe iha? Kui iwawaso lya mawuto? Ote! Indi kui iwawaso lya iiṙikyia.

Waroma 5:21

kundu kye chandu wunyamaṟi wulechilyia upfunyi, na wuṙo kui njia ya wusumganyi isaṟia lyichilyie mṟasa moo o mlungana kui Yesu Kristo Mndumii oṙu.

Waroma 6:14

Kyipfa wunyamaṟi wochimuchilyia nyoe-pfo, cha kyipfa muwachilyie nyi mawawaso-pfo, indi muwachilyie nyi isaṟia.

Waroma 6:18

Na mommbiko kuleshi na wunyamaṟi, mukochilyio nyi wusumganyi.

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

Waroma 7:21

Kyasia ngawona iwawaso-lyi, kye koko inyi ngyikundi iwuta kyindo kyicha, kuwoṙe lyilyiwicho.

Waroma 7:23

Kyaindi shiwungonyi shako, ngyiwonyi iwawaso lyikyeri kuleshi, lyikapana shiṙa na iwawaso lyilya lya wuṟango woko, na ingyiwaṙa ko pfinya kui iwawaso lyilya lya wunyamaṟi lyikyeri shiwungonyi shako.

Waroma 7:4

Na wuṙo, wana wa wama wako, nyoe taa muwoṙe-se moo o osha uwawaso-pfo, kyipfa mukyeri kyoonyi kya mmbiu o Kristo, muiṙime iwa masaa ga ungyi, ulya aleṟuka ko wapfu, kundu soe lukumbie ndunda ko Ruwa.

Waroma 8:1

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

1 Wakorinto 15:45

Nyi wuṙo kyikyiṟeie, “Mndu o kuwooka, Adamu, nalewa kyindo kyiwoṙe moo, Adamu o mafurumionyi nyi mumuyo okyeende moo.”

2 Wakorinto 3:17

Kyasia “Mndumii” nyi oe Mumuyo; kyaindi handu akyeri Mumuyo o Mndumii, iho nyi ho-ndu hawoṙe ikaa kulawoṙe ichilyio nyi kyindo.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

Wagalatia 2:19

Kyipfa inyi ko mbonyi tsa mawawaso ngyipfiie kundu ngyiwaṙe moo kyipfa kya Ruwa.

Wagalatia 5:1

Kyiiṙi kya iwa wana wa mka o wolyi Kristo nalelugaluo wandu walakyeri wuchilyinyi wo kyindo kyoose. Koikyo maa mulalolome, maa ichilyio-se nyi wutumo.

Wagalatia 6:2

Taramanenyi na iosha iwawaso lya Kristo.

Yakobo 1:25

Kyaindi mndu moambuya mawawaso gaafutsie galakyeri ga wutumo, na ikaa kyiiṙi kyago, alawe mndu ekyeaṙanyia na iwaṙima indi mowuta kyilya aiicho, icho nechiwa agusu kyiiṙi kya iwuta lyakye.

Ulogo 11:11

Na numa ya mfiri-yo iṟaṟu na kyitumbuṟe kyimwi kya mfiri umgawe kawi, Ruwa kawaumuya mṟufui okye o moo, wakagoṟoka kui maṙende gawo wawenyi; na wandu wawewaambuya wakawoṙo nyi wuowu wung'anyi.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,