Waroma 8:1 - Kivunjo New Testament 1999

¹ Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

Waroma 8:1 ပူးပေါင်းရင်းမြစ်များ

Yohane 14:20

Mfiri ulya mochimanya kye inyi na Awu oko nyi kyindo kyimwi, na inyi na nyoe nyi kyindo kyimwi.

Yohane 15:4

Nyoe na inyi luwe kyindo kyimwi. Chandu mbaga ilechiiṙima ikumbia ndunda ilakuwoṙe msabibunyi; na wuṙo taa kyechiwa konyu mulandewe kyindo kyimwi na inyi.

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Waroma 16:3

Ngyiiṟikyiṟienyi Pirisikyila na Akyila, wandu wai waṟundi hamwi na inyi kyiiṙi kya Kristo Yesu,

Waroma 16:7

Ngyiiṟikyiṟienyi Andironiko na Yunia, washari wako, walepfungo hamwi na inyi, wandu waichio kyiiṙi kya wasu; nawo walengyisongoya inyi iwa Wakristiano.

Waroma 5:1

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo.

Waroma 5:16

Maa chandu mndu ulya umwi alewuta wunyamaṟi chi kyimwi na kyienengo kyilya-pfo. Cha kyipfa ianduyo lyilecha kui njia ya mndu umwi lyikaende ngapo; indi kyisumbo kya isaṟia kyilecha kyipfa kya maṙeko gafoi, kyikaende italyio wusumganyi.

Waroma 7:17

Kyasia wulalu chi inyi mrimenyi koko ngyiwuta ikyo-pfo, indi nyi wunyamaṟi wulya wukyeri mrimenyi koko.

Waroma 7:20

Kyasia kokooya kyilya ngyilakyikundi nyikyo ngyikyiwuta, chi inyi mrimenyi koko ngyikyiwuta-pfo, indi nyi wunyamaṟi wulya wukyeri mrimenyi koko.

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

Waroma 8:14

Cha kyipfa woose wekyesongoyo nyi Mumuyo o Ruwa, iwo nyiwo wana wa Ruwa.

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

Waroma 8:39

maa shikyeri wuye, maa shikyeri wanda, maa kyindo kyingyi kyoose kyikyigumbe kyechiiṙima iluletsana na ikunda lya Ruwa lyikyeri kyiiṙi kya Kristo Yesu Mndumii oṙu-pfo.

Waroma 8:4

Kundu shilya shishigambe mawawasonyi, shiafutsio mrimenyi koṙu soe, lulekyekaa kui iosha mbonyi tsa mmbiu, indi mbonyi tsa mrima.

Waroma 8:9

Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

1 Wakorinto 15:22

Cha kyipfa kyiiṙi kya Adamu woose wekyepfa, na wuṙo kyiiṙi kya Kristo woose wechienengo moo.

2 Wakorinto 12:2

Ngyiichi mndu umwi kyiiṙi kya Kristo, hamsia cha maka ikumi na ina wulalu (kye nawekyeri kyiiṙi kya mmbiu ngyiichi-pfo; kye nawekyeri nja ya mmbiu ngyiichi-pfo; Ruwa naichi). Mndu-cho naleirio wuye mṟasa ngyinenyi ya kaṟaaṟu.

2 Wakorinto 5:17

Na kyawa kye, mndu kakaa kyiiṙi kya Kristo nawa mndu mhya; sha kacha shaiṙa, shoose shawa shihya.

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

Wagalatia 3:26

Cha kyipfa nyoe moose mowa wana wa Ruwa kui njia ya iiṙikyia Kristo Yesu.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wagalatia 5:16

Kyasia ngagamba, chilyionyi nyi Mumuyo Mweele; maa mulawute kyilya mrima yanyu ikundi tupu.

Wagalatia 5:25

Mumuyo naluenengyie moo, koikyo lumwenengye momu o iluchilyia.

Wafilyipi 1:1

Inyi Paulo, ngyikyeri msu o Kristo Yesu chandu Ruwa akundi, ngaṟeia paruo-i konyu nyoe wandu wa Ruwa wakyeri [Efeso] waiṙikyie Kristo Yesu.

Waefeso 3:9

Lyingyi-se ngyilungo tapu na oe, ngyilawaṙe wusumganyi woko ngyimonyi wulya mndu ekyewona kui iosha mawawaso, indi ngyiwaṙe wusumganyi wulya wokyewono kui iiṙikyia lyikyeri kyiiṙi kya Kristo, wusumganyi wulya wuwukyie ko Ruwa, kui iiṙikyia.