Waroma 7:8 - Kivunjo New Testament 1999

⁸ Kyaindi wunyamaṟi wulewona ṙaawa ko iwawaso lyilya, wukowuta mrimenyi koko orio mbaṟe ya ilanga. Kyipfa wunyamaṟi kulawoṙe mawawaso upfiie.

Waroma 7:8 ပူးပေါင်းရင်းမြစ်များ

Mariko 7:22

wuiwi, uwaagi, lango ngyiwicho, wulang'a, ngyeṟo, ukoe, wunyeng'i, shilahio, ikuṙosa na wutondo.

Yohane 15:22

Kokooya ngyilalecha na iṙeṙa nawo wawechikumbuṟo kya wunyamaṟi wowo-pfo; kyaindi wulalu wekaria igamba kye waichi kye isho wawekyewuta nyi wunyamaṟi-pfo.

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

Waroma 4:15

Kyipfa mawawaso nyigo gekyeende nyashi, cha kyipfa kulawoṙe mawawaso kuwoṙe ṙeko-pfo.

Waroma 5:20

Indi mawawaso galecha kundu ṙeko lyilya lying'ane mnu. Na kyiyeri wunyamaṟi wuleengyeṟika, isaṟia lyiwefoi ngoseṟa;

Waroma 7:11

Kyipfa wunyamaṟi, kui iwona ṙaawa ko iwawaso lyilya, wulengyilemba, koikyo wukongyiwaaga.

Waroma 7:13

Kyasia-ng'u ngyesa, lyilya lyikyeri lyicha lyiwekyeri upfu koko inyi? Ote! Indi wunyamaṟi, kundu wuwono kye nyi wunyamaṟi loi, wulengyiwaaga kui iwawaso lyilya lyicha, kundu kui iwawaso lyilya wunyamaṟi wuengyeṟe iwiha mnu.

Waroma 7:17

Kyasia wulalu chi inyi mrimenyi koko ngyiwuta ikyo-pfo, indi nyi wunyamaṟi wulya wukyeri mrimenyi koko.

Waroma 7:9

Na inyi ngyiwekyeri na moo ipfo mawookyionyi kulawoṙe mawawaso, indi kyiyeri iwawaso lyilya lyilecha, wunyamaṟi wulewaṙa pfinya na inyi ngapfa.

1 Wakorinto 15:56

Iwawio lya upfu nyi wunyamaṟi, na pfinya ya wunyamaṟi nyi uwawaso.”