Waroma 7:5 - Kivunjo New Testament 1999

⁵ Kyipfa kyiyeri luwekyeri na mbaṟe ya mmbiu, lango tsa wunyamaṟi tsiwekyeri pfo kyipfa kya uwawaso, tsileṟunda mmbiunyi yaṙu lukopfa.

Waroma 7:5 ပူးပေါင်းရင်းမြစ်များ

Matayo 15:19

Cha kyipfa mrimenyi kokyewuka makusaṟo mawicho, uwaagi, wuṟui, wuiwi, wuṟingyishi wo wongo, na shilahio.

Yohane 3:6

Kyikyifee nyi mmbiu nyi mmbiu; na kyikyifee kui Mumuyo nyi mumuyo.

Waroma 1:26

Koikyo Ruwa nalewaṙa waoshe lango tsawo tsa sonu. Waka wakailacha mkaṟo wakawutiana mbonyi tsa wolyi kui mmbiu yawo, kyindo kyilawaṟi iwa kuṙo.

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

Waroma 4:15

Kyipfa mawawaso nyigo gekyeende nyashi, cha kyipfa kulawoṙe mawawaso kuwoṙe ṙeko-pfo.

Waroma 5:20

Indi mawawaso galecha kundu ṙeko lyilya lying'ane mnu. Na kyiyeri wunyamaṟi wuleengyeṟika, isaṟia lyiwefoi ngoseṟa;

Waroma 6:13

Maa mulaengyeṟe iwuta shiwungo shanyu shiwe shisha sha mbaka ko wunyamaṟi. Indi kuwutenyi muwenyi ko Ruwa cha wai na moo numa ya ipfa, na shiwungo shanyu ko Ruwa iwa shisha sha wusumganyi.

Waroma 6:19

Ngyiṙeṙa kui mbaṟe ya kyimndu kyipfa kya wufofo wo mmbiu yanyu. Cha kyipfa chandu mulewuta shiwungo shanyu shiṟunde mbonyi tsa ukoe na wunyamaṟi muiṙime iwuta wunyamaṟi, na wuṙo-ng'u wulalu wutenyi shiwungo shanyu shiṟunde sha wusumganyi muiṙime iyeṟemtso.

Waroma 6:21

Kyasia nyi kyiira kyiha-ng'u mulewona mfiri iya ko shindo-sho shimuriisa sonu wulalu? Kyipfa mafurumionyi ga shindo-sho nyi upfu.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

Waroma 7:23

Kyaindi shiwungonyi shako, ngyiwonyi iwawaso lyikyeri kuleshi, lyikapana shiṙa na iwawaso lyilya lya wuṟango woko, na ingyiwaṙa ko pfinya kui iwawaso lyilya lya wunyamaṟi lyikyeri shiwungonyi shako.

1 Wakorinto 15:56

Iwawio lya upfu nyi wunyamaṟi, na pfinya ya wunyamaṟi nyi uwawaso.”

2 Wakorinto 10:3

Kyipfa maa chandu luosha shindo sha kyiwuyana, lokyekapana shiṙa kui mbaṟe ya kyiwuyana-pfo;

Wagalatia 3:10

Cha kyipfa woose wakyeri wa mawuto ga mawawaso, wakyeri kyisesonyi; kyipfa kyikyiṟeie, “Namsese ulya alekyeosha shindo shoose shikyeri kyitapunyi kya uwawaso.”

Wagalatia 5:24

Na iwo wakyeri wa Kristo Yesu wekyechilyio-se nyi lango tsa mmbiu yawo-pfo.

Wafilyipi 2:11

Kyipfa kya ikyo kumbuonyi kye kacha nyoe, muwewafee cha wandu walaiṙikyie Ruwa. Wayuda wekyemulaga, “Wandu walawaṙine,” Wayuda walya wekyegamba kye wo nyi “Wandu waṙine,” kyimwi na igamba kye, nyi iṙino lya mmbiu lyilyiwute kui mawoko.

Wafilyipi 2:3

wakyeri kye kacha, soe loose luleweṟunda kui isanza nawo, langonyi tsa mmbiu yaṙu, kyiyeri luleosha lango tsa mmbiu na makusaṟo gaṙu, lukowa kui mwichiwie oṙu wana wa nyashi kyimwi na iwo wengyi.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Yakobo 1:15

Numa ya iho lango ngyiwicho tsekyeende wunyamaṟi, na wunyamaṟi wukomng'ana wokyeende upfu.

Yakobo 4:1

Shiṙa nyi kwi shiwuka, na ngapano tsikyeri konyu nyi kwi tsiwukyie? Chi kunu langonyi tsanyu tsekyeende shiṙa shiwungonyi shanyu-pfoe?

1 Yohane 3:4

Orio mndu ekyewuta sha wunyamaṟi, nawuta kyindo kyiwicho; cha kyipfa wunyamaṟi nyi kyindo kyiwicho.