Waroma 7:4 - Kivunjo New Testament 1999

⁴ Na wuṙo, wana wa wama wako, nyoe taa muwoṙe-se moo o osha uwawaso-pfo, kyipfa mukyeri kyoonyi kya mmbiu o Kristo, muiṙime iwa masaa ga ungyi, ulya aleṟuka ko wapfu, kundu soe lukumbie ndunda ko Ruwa.

Waroma 7:4 ပူးပေါင်းရင်းမြစ်များ

Matayo 26:26

Nawo kyiyeri waweilya, Yesu naleira mkate, kauwikyia mboṟa, kaupeṟenguo, kaenengyia wanalosho wakye, kagamba, “Waṙilyienyi, mulye. Ichu nyicho mmbiu oko.”

Mariko 4:20

Na iwa nyiwo wawaṙongye handu hawoṙe teri ngyicha. Nyi wandu wekyeicho Ṙeṙo lyilya lya Ruwa na ilyiambilyia, na ikumbia ndunda, umwi makumi gaṟaaṟu, umwi makumi gaṟandaaṟu, na umwi igana.”

Yohane 15:8

Kuṙo Awu oko neching'anyiso, kyipfa muikumbia ndunda tsifoi mnu; na nyoe mochiwa wanalosho wako.

Yohane 3:29

Ulya awoṙe mono-kyika ailayiko nyi monyi wolyi; kyaindi mbuya ya monyi wolyi, ulya ekyegoṟoka na imwaṙanyia, nekyechihiyo kyipfa kya ṟui lya monyi wolyi. Kyasia sia yako yaafukyia.

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Waroma 6:11

Na wuṙo maa nyoe kutalenyi kye muwapfu ko mbonyi tsa wunyamaṟi, na wai na moo ko Ruwa kyiiṙi kya Kristo Yesu.

Waroma 6:14

Kyipfa wunyamaṟi wochimuchilyia nyoe-pfo, cha kyipfa muwachilyie nyi mawawaso-pfo, indi muwachilyie nyi isaṟia.

Waroma 6:2

Maa ale! Soe lulawoṙe-se moo o wuta sha wunyamaṟi lochikaa-se luṙa wunyamaṟinyi?

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

Waroma 7:3

Kyasia kyiyeri mii okye akyeri na moo, kokooya mka-chu awaṙa mii ungyi nekyelago mṟui. Indi mii okye kapfa, nalekyio, eshingyio-se nyi iwawaso lyilya-pfo, na oe chi mṟui-se-pfo, maa kaalyiko nyi mii ungyi.

Waroma 7:6

Indi wulalu lolekyio iwuka uwawasonyi, luwoṙe-se moo o osha wunyamaṟi wulya wuleluchilyia-pfo, kundu soe luiṙime iṟunda mbaṟenyi ngyihya ya Mumuyo o Ruwa, chi mbaṟenyi ya kacha ya kyiṟeio-pfo.

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

1 Wakorinto 10:16

Kyiṙoo kyilya kya kyilaayo kyiele lokyeana Ruwa kyipfa kyakyo chi samu ya Kristo lokyeinyo handu hamwi-pfoe? Mkate ulya lokyeupeṟenguo, chi mmbiu o Kristo lokyeulya handu hamwi-pfoe?

2 Wakorinto 11:2

Kyipfa ngyimunyeng'ia, wunyeng'i wo Ruwa; kyipfa ngyilemukosia msoṟo umwi, kundu ngyiendie Kristo mana mkyega mcha.

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

Wagalatia 5:18

Kyaindi mukosongoyo nyi Mumuyo, mukyeri wuchilyinyi wo mawawaso-pfo.

Wafilyipi 2:15

Na oe ammbute kyituwa kyilya kui mmbiu okye; nyigo mawawaso ga shindo wandu wawaṟi iwuta na walawaṟi iwuta; kundu nawikye iwo wawi wawe mndu umwi mhya kyiiṙi kyakye; kaende ufoṟo.

Waefeso 1:11

muwaichuṟe shindo shicha shilya Yesu tikyi eiṙima imuenenga wuiṙimi wo ishiwuta, kui mng'ano na kyiṟumi kya Ruwa.

Waefeso 4:17

Chi kye ngyikundi iambilyia shisumbo tikyi-pfo indi ngyikundi iwona ngoseṟa ya shindo shilya shicha mulemmbuta.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Wakolosai 1:22

mmbiunyi o nyama yakye, kui ipfa lyakye, kundu namuende na mbele yakye, nyoe wandu wa Ruwa, mulawoṙe maṙeko maa italyio kyindo kyiwicho.

Wakolosai 1:6

ileshika konyu, chandu kyikyeri wuyanenyi koose; na ikumbia ndunda na ing'ana, chandu ing'ana konyu taa, wookyia mfiri ulya muleicho mukomanya mnu isaṟia lya Ruwa kyiiṙi kya loi.

Wakolosai 2:14

Amfurunje kyiṟeio kyiwekyiṟeie kyeluṙuo mengyenyi kui ianduya lyakye, lyiwewoṙe kyituwa koṙu; kalyiwuta lyilakae-se ho, kalyikapia msalabenyi,

Wakolosai 2:20

Kyasia kokooya mulepfa hamwi na Kristo mukoṙa malosho galya ga kuwooka ga wuyana, ny'kyilyi muichilyio nyi mawawaso cha wandu wakyeri wuyanenyi, kunu mochiosha mawawaso na malosho ga wandu?

Waebrania 10:10

Kyiiṙi kya shilya Ruwa akundi lowona iilyisho, kui iwuto mmbiu o Yesu Kristo lyimwi tupu.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.

Ulogo 19:7

Luchihiyo, lukape ngulyilyi na ngoru, luenengye Ruwa kyiṟumi kyakye; cha kyipfa wolyi wo Kyiondo kya Ruwa womwafukyia, na mka okye amkuṟeyeṟa.

Ulogo 21:9

Umwi o malaika walya mfungaaṙe kacha, walya wawewoṙe pakulyi tsilya mfungaaṙe tsiweichuo ngapo tsa mafurumionyi, na oe kaṙeṙa na inyi, echigamba, “Nnjo na kunu, na inyi ngyechikuloṟa Mpora, mka o Kyiondo kya Ruwa.”