Waroma 7:22 - Kivunjo New Testament 1999

²² Cha kyipfa mrimenyi koko ngyimchihiye kyipfa kya iwawaso lya Ruwa.

Waroma 7:22 ပူးပေါင်းရင်းမြစ်များ

Yohane 4:34

Yesu kawawia, “Kyelya kyako ny'kyo ikyi, ngyiwute shilya ulya alengyiṙuma akundi, ngyiafutsie iṟunda lyakye.

Waroma 2:29

Indi oe nyi Myuda ai Myuda o mrimenyi; na iṙino nyi lya mrima, Mumuyonyi o Ruwa, chi shiṟeionyi-pfo. Uwawaso-lo kyiṟumi kyalo kyilekyewuka ko wandu indi ko Ruwa.

Waroma 8:7

Cha kyipfa kyilya mmbiu ukundi nyi kyituwa ko Ruwa, kyipfa kyekyeindia iwawaso lya Ruwa-pfo, maa kyeiṙima ilyiindia-pfo.

2 Wakorinto 4:16

Koikyo luiloloma-pfo; indi maa chandu kyanja mmbiu yaṙu iloṟa iuṟa pfinya; mrimenyi koṙu lukokohoka orio mfiri.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wakolosai 3:9

Maa mulawiane wongo, cha kyipfa moṙa nakamwi mkaṟo o kacha, hamwi na mawuto gacho,

Waebrania 8:10

Kyipfa ichu nyicho mma ngyechiwika na wandu wa Isiraelyi numa ya mfiri iya, Ruwa nagamba, ‘Ngyechiwika mawawaso gako makusaṟonyi gawo, na ngyechigaṟeia mrimenyi kowo. Na inyi ngyechiwa Ruwa kowo, nawo wechiwa wandu wako.’

1 Petiro 3:4

Indi lyiwe wucha wo mrimenyi wulekyewono; shindonyi shekuchopa shilekyenyamaṟika; wucha wo mrima o wuhoo na wuramiri, wuwoṙe woguru wung'anyi ushangyunyi lo Ruwa.