Waroma 6:4 - Kivunjo New Testament 1999

⁴ Kyasia luleṟiko hamwi na oe kui njia ya wupatiso upfunyi lokye, kundu luwaṙe moo ngyihya nakamwi chandu Awu aleṟutsa Kristo iwuka upfunyi kui pfinya yakye ing'anyi.

Waroma 6:4 ပူးပေါင်းရင်းမြစ်များ

Yohane 11:40

Yesu kammbia, “Inyi ngyilekuwia kye koiṙikyia nochiwona mng'ano o Ruwa?”

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Mawuto Ga Wasu 2:24

Ulya Ruwa alemṟutsa, kammbuta wukyiwenyi wo ipfa, cha kyipfa kyileiṙimika wukyiwa-wo wumpaaye-pfo.

Mawuto Ga Wasu 2:32

Yesu-cho Ruwa nalemṟutsa, na soe loose lui waṟingyishi.

Waroma 6:19

Ngyiṙeṙa kui mbaṟe ya kyimndu kyipfa kya wufofo wo mmbiu yanyu. Cha kyipfa chandu mulewuta shiwungo shanyu shiṟunde mbonyi tsa ukoe na wunyamaṟi muiṙime iwuta wunyamaṟi, na wuṙo-ng'u wulalu wutenyi shiwungo shanyu shiṟunde sha wusumganyi muiṙime iyeṟemtso.

Waroma 6:3

Muichi kye soe loose lulepatiso kyiiṙi kya Kristo Yesu lulepatiso upfunyi lokye?

Waroma 6:8

Kyaindi lui kye lulepfa hamwi na Kristo, luiṙikyie kye lochiwaṙa moo hamwi na oe;

Waroma 6:9

luichi kye Kristo kamṟuka ko wapfu epfa-se-pfo, maa upfu lomchilyia-se-pfo.

Waroma 7:6

Indi wulalu lolekyio iwuka uwawasonyi, luwoṙe-se moo o osha wunyamaṟi wulya wuleluchilyia-pfo, kundu soe luiṙime iṟunda mbaṟenyi ngyihya ya Mumuyo o Ruwa, chi mbaṟenyi ya kacha ya kyiṟeio-pfo.

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

1 Wakorinto 6:14

Na Ruwa naleṟutsa Mndumii, na lyingyi-se nechiluṟutsa soe kui wuiṙimi wokye.

2 Wakorinto 13:4

Kyipfa nalewoogio msalabenyi, wufafenyi, kyaindi nai na moo kui pfinya tsa Ruwa. Kyipfa maa soe lukyeri wafafa kyiiṙi kyakye; indi lochikaa na moo hamwi na oe kui pfinya tsa Ruwa.

2 Wakorinto 5:17

Na kyawa kye, mndu kakaa kyiiṙi kya Kristo nawa mndu mhya; sha kacha shaiṙa, shoose shawa shihya.

Wafilyipi 4:17

Kyasia ngyigamba kuṙi, lyingyi-se ngyiṟingyishia kyiiṙi kya Mndumii, wookyia wulalu maa mulawute chandu wandu wekyewuta, wuwichonyi wo makusaṟo gawo.

Wafilyipi 5:8

Cha kyipfa kacha nyoe muwekyeri meema, indi wulalu mowa ngyeela kyiiṙi kya Mndumii. Wutenyi cha wana wa ngyeela;

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

Wakolosai 4:1

Nyoe wandumii, enengyenyi watumo wanyu kyikyeri kya sungusinyi na kya wuloi, muichi kye maa nyoe muwoṙe Mndumii ruwewu.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.