Waroma 5:8 - Kivunjo New Testament 1999

⁸ Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

Waroma 5:8 ပူးပေါင်းရင်းမြစ်များ

Yohane 15:13

Kuwoṙe awoṙe ikunda lying'anyi kuta ilyi, lya mndu ireka moo okye kyipfa kya mbuya tsakye-pfo.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Waroma 3:5

Kyaindi kokooya wuwicho woṙu wuṟingyishia wusumganyi wo Ruwa, lugambe kyikyi? Ruwa nyi mmbicho aiende nyashi? (Ngyigamba kui mbaṟe ya kyimndu.)

Waroma 4:25

Ulya alewuto kyipfa kya maṙeko gaṙu, na iṟutso kundu luiṙime italyio wusumganyi.

Waroma 5:20

Indi mawawaso galecha kundu ṙeko lyilya lying'ane mnu. Na kyiyeri wunyamaṟi wuleengyeṟika, isaṟia lyiwefoi ngoseṟa;

Waroma 5:6

Cha kyipfa kyiyeri kyilya lulawewoṙe pfinya, ilyi kyiyeri kyileafukyia, Kristo nalepfa kyipfa kya wanyamaṟi.

Waroma 5:7

Cha kyipfa nyi kyindo kyuumu; mndu ipfa kyipfa kya mndu msumganyi. Kyaindi kyeiṙimika mndu ikaria ipfa kyipfa kya mndu awoṙe mawuto mecha.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Waroma 8:39

maa shikyeri wuye, maa shikyeri wanda, maa kyindo kyingyi kyoose kyikyigumbe kyechiiṙima iluletsana na ikunda lya Ruwa lyikyeri kyiiṙi kya Kristo Yesu Mndumii oṙu-pfo.

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

1 Timoteo 1:16

Kyaindi kyipfa kya ikyo ngyilewona isaṟia, kundu mrimenyi koko inyi o kuwooka, Yesu Kristo naṟingyishie wucha wokye wulekyesia; ngyiwe kyindo walya wechimwiṙikyia wechikyiambuya, wawone moo o mlungana.

Waebrania 8:3

Kyipfa orio Mkohanyi ang'anyi kuta woose nekyesambuṟo kundu nawute shiṙaso, kyiwaṟi ichu na oe nawaṙe kyindo kyeṙasa.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Yohane 3:16

Kui ikyo lomanya ikunda, cha kyipfa Kristo nalereka moo okye kyipfa kyaṙu. Kyiluwaṟi na soe ireka moo oṙu kyipfa kya wana wa wama-wo.