Waroma 5:7 - Kivunjo New Testament 1999

⁷ Cha kyipfa nyi kyindo kyuumu; mndu ipfa kyipfa kya mndu msumganyi. Kyaindi kyeiṙimika mndu ikaria ipfa kyipfa kya mndu awoṙe mawuto mecha.

Waroma 5:7 ပူးပေါင်းရင်းမြစ်များ

Matayo 13:15

Kyipfa mrima ya wandu-wa yawa ngyiumu, na kui maṙwi gawo wekyeicho necha-pfo, na washingyie meso gawo; walachewona kui meso gawo, walaicho kui maṙwi gawo, wakamanya kui mrima yawo, wakangyigalukyia, ngawakyiṟa.’ ”

Yohane 15:13

Kuwoṙe awoṙe ikunda lying'anyi kuta ilyi, lya mndu ireka moo okye kyipfa kya mbuya tsakye-pfo.

Mawuto Ga Wasu 11:24

Kyipfa nawekyeri mndu mcha aichuo Mumuyo Mweele na iiṙikyia; wandu wafoi wakaengyeṟika ura lo Mndumii.

Waroma 16:4

wawekuṟeyeṟie maa iwoogo kyipfa kyako. Iwo ngyiwaana, maa chi inyi tikyi-pfo, indi na siṟi tsa wandu woose walakyeri Wayuda taa. Ngyiiṟikyiṟienyi na siṟi ikyeri numbenyi kowo.

Waroma 5:6

Cha kyipfa kyiyeri kyilya lulawewoṙe pfinya, ilyi kyiyeri kyileafukyia, Kristo nalepfa kyipfa kya wanyamaṟi.

Waroma 5:8

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

1 Yohane 3:16

Kui ikyo lomanya ikunda, cha kyipfa Kristo nalereka moo okye kyipfa kyaṙu. Kyiluwaṟi na soe ireka moo oṙu kyipfa kya wana wa wama-wo.