Waroma 5:10 - Kivunjo New Testament 1999

¹⁰ Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 5:10 ပူးပေါင်းရင်းမြစ်များ

Yohane 14:19

Hatsugae kyiyeri kyitutu wandu wa wuyana walechingyiwona-se; indi nyoe mungyiwonyi. Na kyipfa inyi ngyiwoṙe moo, maa nyoe mochiwaṙa moo.

Yohane 5:26

Kyipfa chandu Awu awoṙe moo o mlungana, na wuṙo aleenenga mana wuiṙimi wo waṙa moo o mlungana.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Yohane 6:57

Chandu Awu ai na moo alengyiṙuma inyi, na inyi ngyiwoṙe moo kyipfa kyakye, na wuṙo taa ulya alya mmbiu oko echiwaṙa moo kyipfa kyako.

Waroma 11:28

Kyasia ko mbonyi tsa Ndumi Ngyicha walewa washituwa kyipfa kyanyu; indi kyipfa kya isambuṟo walewa nyi wakunde kyipfa kya waku waṙu.

Waroma 5:11

Maa chi wuṙo tikyi-pfo, indi na ichihiyo kyiiṙi kya Ruwa kui Mndumii oṙu Yesu Kristo, ulya kui oe wulalu loambilyia isanzo-lyo.

Waroma 5:6

Cha kyipfa kyiyeri kyilya lulawewoṙe pfinya, ilyi kyiyeri kyileafukyia, Kristo nalepfa kyipfa kya wanyamaṟi.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

Waroma 8:7

Cha kyipfa kyilya mmbiu ukundi nyi kyituwa ko Ruwa, kyipfa kyekyeindia iwawaso lya Ruwa-pfo, maa kyeiṙima ilyiindia-pfo.

2 Wakorinto 5:20

Kyasia soe luiṙeṙa handu ha Kristo, cha ilyi Ruwa naiterewa kui maṙumbu gaṙu, lumuterewa nyoe kyipfa kya Kristo musanzo na Ruwa.

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Wafilyipi 2:16

Kawasanza woose wewawi na Ruwa mmbiunyi umwi, kui njia ya msalaba, amrumatse kyituwa kyilya kui msalaba-cho.

Wafilyipi 2:3

wakyeri kye kacha, soe loose luleweṟunda kui isanza nawo, langonyi tsa mmbiu yaṙu, kyiyeri luleosha lango tsa mmbiu na makusaṟo gaṙu, lukowa kui mwichiwie oṙu wana wa nyashi kyimwi na iwo wengyi.

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

1 Yohane 2:1

Wana wako, ngyimuṟeia ishi kundu mulawute sha wunyamaṟi. Na kokooya mndu awuta kya wunyamaṟi luwoṙe Moluterewia ko Awu, Yesu Kristo awoṙe wusumganyi.

1 Yohane 4:10

Ilyi nyilyo ikunda, chi kye soe lulekunda Ruwa-pfo, indi kye oe nalelukunda soe kaṙuma Mono-kye iwa mndu moluhooṟia ngyuunyamaṟi tsaṙu.

Ulogo 1:18

na ai na moo; na inyi ngyiwepfiie na wulalu ngyii na moo mṟasa mlungana na mlungana. Na inyi ngyiwoṙe ngyuupfunguo tsa upfu, na tsa halya-ndu wapfu wekyekaa.