Waroma 3:9 - Kivunjo New Testament 1999

⁹ Kyasia ny' kyikyi-ng'u? Lukyeri wecha kuta wengyi? Ote! Maa ale. Cha kyipfa lomshitakyi Wayuda na Wakyiṟikyi kye wawachilyie nyi wunyamaṟi taa.

Waroma 3:9 ပူးပေါင်းရင်းမြစ်များ

Luka 7:39

Kyasia, Mfarisayo ulya alemlaga ammbone kuṙo, nalegamba mrimenyi kokye, mndu-chu kokooya awei moonguo shisuku, naweimanya mndu mka-chu aimpaaya nyi wui, na oe nyi o mbaṟe iha, kye nyi mnyamaṟi.

Waroma 1:18

Cha kyipfa nyashi ya Ruwa ilemanyika na pata iwuka Ruwewu kyipfa kya wunyamaṟi na wuwicho woose wo wandu wekyewingana na wuloi kui wuwicho.

Waroma 11:32

Kyipfa Ruwa nalewawika handu hamwi woose kyiiṙi kya ilega kundu nawasaṟie woose.

Waroma 11:7

Kyasia kyawa kuṙa-ng'u? Kyindo kyilya Isiraelyi aweikyipfula alekyiwona-pfo, indi walya walesambuṟo walekyiwona, na wengyi waleming'a.

Waroma 2:1

Koikyo, iyoe mndu uianduya oṙoo uwoṙe kyegamba-pfo. Kyipfa isho uanduya ungyi nukuanduya kumonyi kye nunyamaṟie; kyipfa iyoe uianduya nuiwuta shilya shilya.

Waroma 3:1

Kyasia Myuda nawoṙe-kyi kya ngoseṟa? Na iṙino lyiwoṙe kyiiṙa kyiha?

Waroma 3:19

Kyasia luichi kye mbonyi tsoose uwawaso lugambie ko walya wawachilyie nyi uwawaso, kundu orio mndu nawio natsie, na wuyana woose wuchilyio nyi ianduyo lya Ruwa.

Waroma 3:5

Kyaindi kokooya wuwicho woṙu wuṟingyishia wusumganyi wo Ruwa, lugambe kyikyi? Ruwa nyi mmbicho aiende nyashi? (Ngyigamba kui mbaṟe ya kyimndu.)

Waroma 6:15

Kyasia ny'kyikyi-ngu? Luwute wunyamaṟi kyipfa lulawachilyie nyi mawawaso indi isaṟia? Ote!

Waroma 7:14

Cha kyipfa luichi kye uwawaso mawookyionyi galo nyi mrimenyi; indi inyi nyi mndu o mmbiunyi, ngyimchilyie nyi wunyamaṟi.

1 Wakorinto 10:19

Kyasia ngyigambe kyi? Kye kyilya kyaṙasio mafano nyi kyindo? Ang'u kye mafano nyi kyindo?

1 Wakorinto 14:15

Kyasia kyawa-ng'u kuṙa? Ngyechiterewa kui mrima, lyingyi-se ngyeterewa kui wuṟango taa. Ngyechiimba kui mrima, lyingyi-se ngyechiimba kui wuṟango taa.

1 Wakorinto 4:7

Kyipfa nyi wui echiloṟa chandu ulafananyi na ungyi? Na iyoe nuwoṙe kyikyi ulaikyiambilyia? Kyaindi kokooya nuleambilyia, nuikushelyia kyi kye uleambilyia-pfo?

Wagalatia 3:10

Cha kyipfa woose wakyeri wa mawuto ga mawawaso, wakyeri kyisesonyi; kyipfa kyikyiṟeie, “Namsese ulya alekyeosha shindo shoose shikyeri kyitapunyi kya uwawaso.”

Wagalatia 3:22

Kyaindi kyiṟeio kyiele kyagamba kye wuyana woose wuwuchilyie nyi wunyamaṟi kundu iwo waiṙikyie waenengo kyaasa kui iiṙikyia waenengo kyaasa-kyo kui iiṙikyia Yesu Kristo.

Waefeso 1:18

Ikyo wakundi ingyiwutia koko chi kyindo-pfo. Kyaindi ko orio njia, kokooya nyi kui ngyeṟo, ang'u kokooya nyi kui wuloi, mbonyi tsa Kristo tsigambo; koikyo ngyichihiyo, yee, na inyi ngyechichihiyo.