Waroma 3:3 - Kivunjo New Testament 1999

³ Nyi kyikyi-ng'u, kokooya wandu waata walaleiṙikyia? Aa ilega iiṙikyia lyawo lyechiilacha shilya Ruwa ateṟie?

Waroma 3:3 ပူးပေါင်းရင်းမြစ်များ

Matayo 24:35

Ngyina na uruka shechiiṙa, kyaindi, maṙeṙo gako gechiiṙa maa ale-pfo.”

Yohane 1:16

Kyipfa awoṙe mboṟa tsifoi soe loose luleambilyia isaṟia lying'anyi.

Waroma 10:16

Kyaindi chi woose waleindia mbonyi iya ngyicha-pfo, kyipfa Yesaya naigamba, “Mndumii, nyi wui aleiṙikyia mbonyi tsaṙu?”

Waroma 11:29

Cha kyipfa shisumbo sha Ruwa shiwoṙe isumkyia-pfo, maa ilago lyasho.

Waroma 9:6

Chi kye Ṙeṙo lya Ruwa lyailachika-pfo. Kyipfa wandu Ruwa asambuṟie chi Waisiraelyi tikyi-pfo.

2 Wakorinto 3:18

Kyaindi soe loose, kui kyaam kyilakyishikyie nyi kyindo, luloṟa mng'ano o Mndumii, cha mng'ano uwukyie kyiyewonyi, lokyeilacho luwe cha mfano-cho icho, iwuka mng'ano mṟasa mng'ano ung'anyi ngoseṟa cha mng'ano uwukyie ko Mndumii, akyeri Mumuyo.

2 Watesalonikye 1:3

Wana wa wama, kyalukooya iana Ruwa mfiri yoose kyipfa kyanyu, chandu kyiwaṟi, cha kyipfa iiṙikyia lyanyu lyiengyeṟika mnu, na ikunda lya orio mndu konyu ko oṙoe lyang'ana.

2 Timoteo 2:13

Kokooya soe lulaiṙikyie, oe nekyeṙio ho kui iiṙikyio; cha kyipfa echiiṙima ikukana amonyi-pfo.

Waebrania 4:2

Kyipfa nyi loi, maa soe taa luleongoyo mbonyi ngyicha chawo. Kyaindi mbonyi-tso wandu waleicho tsilewatarama kyindo-pfo kyipfa tsileṙuana na iiṙikyia lya mrimenyi ko walya waleicho-pfo.