Waroma 2:8 - Kivunjo New Testament 1999

⁸ Na walya wawoṙe wuṟiingyi, walekyeindia wuloi, indi wakaiṙikyiana na mbaka, wewona nyashi na isuo lying'anyi;

Waroma 2:8 ပူးပေါင်းရင်းမြစ်များ

Waroma 1:18

Cha kyipfa nyashi ya Ruwa ilemanyika na pata iwuka Ruwewu kyipfa kya wunyamaṟi na wuwicho woose wo wandu wekyewingana na wuloi kui wuwicho.

Waroma 10:16

Kyaindi chi woose waleindia mbonyi iya ngyicha-pfo, kyipfa Yesaya naigamba, “Mndumii, nyi wui aleiṙikyia mbonyi tsaṙu?”

Waroma 15:18

Kyipfa ngyekaria igamba kyindo Kristo alakyiwutie kui iṟunda lyako-pfo, wandu walakyeri Wayuda waiṙime iindia kui iṙeṙa ang'u kui mawuto,

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

Waroma 9:22

Kyasia ny' kyikyi-ng'u, kokooya Ruwa kui ikunda iloṟa nyashi yakye, na iṟingyishia wuiṙimi wokye, kui ikarishia lying'anyi, naleṙuana na walya wawewaṟi inyamaṟo nyi nyashi ya Ruwa.

1 Wakorinto 11:16

Kyaindi mndu oose kakunda iende wuṟiingyi, soe luwoṙe mkaṟo cha iyo-pfo, maa siṟi tsa Ruwa.

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

Wagalatia 5:20

iindia mafano, wusawi, isuana, iluyana, wunyeng'i, nyashi, wuṟiingyi, nduutsano, iṙeṙa wongo.

Waefeso 1:17

Indi wengyi wekyeonguo mbonyi tsa Kristo kui wuṟiingyi, maa chi kui mrima mwilyi-pfo, wakusaṟie kye kui iwuta kuṙo wechiengyeṟa ngyuukyiwa tsa iwiko lyako kyipfungonyi.

Waefeso 2:3

Maa mulawute kyindo kyoose kui iwingana ang'u kui makushelo; indi kui wupfereri, orio mndu nawone oṙoe kye nawoṙe kyiira kuta oe.

2 Watesalonikye 1:8

Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

Tito 3:9

Kyaindi kushowe na maṙeṙo ga wutondo, shindo shileambilyio ko waku, shiluyano na ikapana kyipfa kya uwawaso. Kyipfa isho shiwoṙe kyiira-pfo. Lyingyi-se nyi shindo sha wulya.

Waebrania 10:27

Indi kuwoṙe iweṙelyia ianduyo lyioweshie, na wulang'a wo moṙo ukuṟeyeṟie irumatsa walya wakyeri washituwa wa Ruwa.

Waebrania 11:8

Kui iiṙikyia Abrahamu naleiṙikyia kyiyeri alelago, nawukye nayende handu halya echihaenengo iwa kyioṟa; kafuma alaichi kundu aiyenda.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Yakobo 3:14

Kyaindi mukowaṙa wunyeng'i wo nyashi na maluyano mrimenyi konyu, maa mulakuiring'ishe, maa mulaṙeṙe wongo kui iwingana na loi.

Yakobo 3:16

Kyipfa handu hawoṙe wunyeng'i na maluyano, nyi ho-ndu hawoṙe kyituṟu, na orio kyindo kyiwicho.

1 Petiro 3:1

Nyoe waka, indienyi wamii wanyu; kundu kokooya kuwoṙe walaiṙikyie Ṙeṙo, waiṙime ilyiiṙikyia kui mkaṟo ya waka wawo kulawoṙe igamba kyindo;

1 Petiro 4:17

Cha kyipfa kyiyeri kyamshika kya ianduyo iwooka wandunyi wa Ruwa; na ianduyo lyikawooka koṙu soe, mafurumionyi ga walya walekyeaṙanyia Ndumi Ngyicha ya Ruwa gechiwa kuṙa?

Ulogo 14:10

nechinyo mpfinyo o nyashi ya Ruwa ingyiṟeyeṟe, kulawoṙe isanzo-sanzo na mṟinga, kyiṙoonyi kya nyashi yakye; na oe nechilyiso wukyiwa kui moṙo na kyipiriti mbele ya malaika waele, na mbele ya Kyiondo kya Ruwa.

Ulogo 16:19

Na mṟi ulya ung'anyi ukopaṟika shifunjoe shiṟaaṟu; na mṟi ya masanga ikaoloka; na kulawoṙe iwaṙima, Ruwa karutsa Babelyi kyiṙoonyi mpfinyo o nyashi yakye.