Waroma 2:5 - Kivunjo New Testament 1999

⁵ Indi kyipfa kya wuumu wopfo, na kui mrima opfo ulawoṙe iṙumbuya wunyamaṟi, nuiengeṟa nyashi ya Ruwa kopfo mfiri ulya o nyashi ya Ruwa na iloṟo lya chandu Ruwa ekyeanduya kulawoṙe ikundia.

Waroma 2:5 ပူးပေါင်းရင်းမြစ်များ

Waroma 1:18

Cha kyipfa nyashi ya Ruwa ilemanyika na pata iwuka Ruwewu kyipfa kya wunyamaṟi na wuwicho woose wo wandu wekyewingana na wuloi kui wuwicho.

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Waroma 9:22

Kyasia ny' kyikyi-ng'u, kokooya Ruwa kui ikunda iloṟa nyashi yakye, na iṟingyishia wuiṙimi wokye, kui ikarishia lying'anyi, naleṙuana na walya wawewaṟi inyamaṟo nyi nyashi ya Ruwa.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

2 Watesalonikye 1:5

Nyikyo kyiṟingyishio kya sungusinyi kya ianduyo lyikyeri wusumganyi wo Ruwa, kundu mutalyio kye kyimmbaṟi iiṙa na Wumangyinyi wo Ruwa, iwo womuenenga ilyiso wukyiwa.

Waebrania 3:13

Kyaindi mututumane orio mfiri; kundu maa umwi onyu alawaṙe mrima muumu kui wulembi wo wunyamaṟi.

Waebrania 3:15

Iho-ndu kyekyegambo, “Inu kokooya moicho ṟui lyakye Maa mulaumiṟe mrima yanyu, cha kyiyeri kyilya kyelega Ruwa.”

Waebrania 4:7

nawika-se mfiri mlyiwe, echigamba, kyiiṙi kya Dawidi numa ya kyiyeri kyileshi kuṙi, “Inu; chandu kyikyigambe wookyia kacha, ‘Inu kokooya moicho ṟui lyakye, Maa mulaumiṟe mrima yanyu.’ ”

Yakobo 5:3

Sahapu tsanyu na shindo shanyu sha woguru wung'anyi shikyindie ukoe, na ukoe-lo lomuṟingyishia, na mmbiu yanyu yechinyamaṟika cha ilyi nyi ikoṟo nyi moṙo. Mulekooma kyiseyesoe mfirinyi ya mafurumionyi.

2 Petiro 2:9

Kyasia, Mndumii naichi ikyiṟa wandu waowuye na ikunda Ruwa iwuka shiyeshonyi, na ikooma walawoṙe wusumganyi kyiiṙi kya iweṙelyia ianduyo mṟasa mfiri ulya o ianduyo.

2 Petiro 3:7

Kyaindi ngyina tsa wulalu na uruka shingyikoome kyiseyesoe kui moṙo, kui Ṙeṙo-lyo ilyo, shechiringo mṟasa mfiri o ianduyo, na kui irumara lya wandu walaiṙikyie Ruwa.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Ulogo 2:21

Na inyi ngamwenenga ṙaawa kundu naṙumbuye wunyamaṟi, maa akundi iṙumbuya wuṟui wokye-pfo.

Ulogo 6:17

Cha kyipfa mfiri o nyashi yawo ing'anyi omwafukyia; na nyi wui eiṙima ikyia?”