Waroma 2:4 - Kivunjo New Testament 1999

⁴ Ang'u nuimina wucha wokye wufoi na wusimiri wokye na ikarishia lyakye, ulamanye kye wucha wo Ruwa wukukuruo uiṙime iṙumbuya wunyamaṟi?

Waroma 2:4 ပူးပေါင်းရင်းမြစ်များ

Waroma 10:12

Cha kyipfa kuwoṙe mbaṟe ingyi ko Myuda na Mkyiṟikyi-pfo, kyipfa oe nyi Mndumii o woose, awoṙe wunjama ko woose wekyemlaga;

Waroma 11:22

Kyasia, ambuya-ng'u, wucha na wulang'a wo Ruwa; ko walya waolokyie wulang'a; indi kopfo iyoe wucha wo Ruwa, kokaa kyiiṙi kya wucha-wo; sile nyi wuṙo, iyoe taa nowiyitso kuleshi.

Waroma 11:33

Chandu wunjama na wuṟango na imanya lya Ruwa shikyeri, ianduya lyakye lyekyemanyika-pfo, maa njia tsakye tsechiwa isoruo-soruo-pfo!

Waroma 3:25

Ichu Ruwa amwummbikye nawe kyisanza kui njia ya iiṙikyia samunyi yakye, kundu naloṟe wusumganyi wokye, kyipfa kya ilekyia wusimirinyi wo Ruwa maṙeko goose galesonguo iwuto.

Waroma 6:1

Kyasia lugambe kyikyi-ng'u? Lukae wunyamaṟinyi kundu isaṟia lyiengyeṟe ifo?

Waroma 6:15

Kyasia ny'kyikyi-ngu? Luwute wunyamaṟi kyipfa lulawachilyie nyi mawawaso indi isaṟia? Ote!

2 Wakorinto 8:2

kyipfa kyiyeri waweiyesho kui wukyiwa wung'anyi, sia yawo na wufofo wowo wung'anyi mnu wuleengyeṟa wunjama wo ilekyia lyawo.

Wafilyipi 1:18

Ruwa naṟuguo mrima yanyu iiṙime iwona, mumanye ikusuria lya ilaga lyakye chandu lyikyeri; na wusuṟi wo mng'ano wo kyioṟa kyakye wandunyi wa Ruwa chandu wukyeri.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wafilyipi 2:4

Kyaindi Ruwa kyipfa akyeri o isaṟia lying'anyi, kui ikunda lyakye lying'anyi alelukunda;

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Waefeso 4:19

Na Ruwa oko nechimuenenga na imuichuṟia pacha orio kyindo muuṟie iṙuana na wunjama wokye, kyiṟuminyi kya Yesu Kristo.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 2:2

Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

1 Timoteo 1:16

Kyaindi kyipfa kya ikyo ngyilewona isaṟia, kundu mrimenyi koko inyi o kuwooka, Yesu Kristo naṟingyishie wucha wokye wulekyesia; ngyiwe kyindo walya wechimwiṙikyia wechikyiambuya, wawone moo o mlungana.

1 Timoteo 6:17

Walya wakyeri wanjama wa wuyana wo wulalu uwawie walakushele, maa walakusurie wunjama wowo wukyeri cha mboshia, indi wakusurie Ruwa ekyeluenenga shindo shoose kulawoṙe iehia kundu luṟunde nasho kui sia.

1 Petiro 3:20

wandu walawewoṙe wuindi kyiyeri kya ipfo numa, kyiyeri Ruwa alewaweṙelyia kulawoṙe iwina lyilya Noe aleachikyia safina; safina ileenenga wandu nyanya ikyia iwoogo nyi mṟinga.

2 Petiro 1:11

Kyipfa kuṙi mochitaramo ienengo iiṙa na Wumangyinyi wo mlungana wo Mndumii oṙu, Mkyiṟa oṙu Yesu Kristo.

2 Petiro 3:15

Na nyoe talenyi wusimiri wo Mndumii oṙu kye nyi wukyiṟo, chandu na mono-wama oṙu mkunde Paulo aleṟeia kui wuṟango aleenengo.

2 Petiro 3:3

Mochimanya kuwooka kyindo-kyi kye mfirinyi yefurumia wandu wekyetaluo wechicha na italuo lyawo, wekyeosha lango tsawo wawenyi,

2 Petiro 3:9

Mndumii ekyekyelyio iafutsia kyaasa kyakye, chandu wandu wengyi wekyekusaṟa kya ikyelyio-pfo, kyaindi nekyesimiria konyu, kyipfa akundi mndu oose naṙekye-pfo, indi woose waiṙime iwona iṙumbuya wunyamaṟi.

Ulogo 2:21

Na inyi ngamwenenga ṙaawa kundu naṙumbuye wunyamaṟi, maa akundi iṙumbuya wuṟui wokye-pfo.

Ulogo 3:20

Ngyigoṟokyi moongonyi, ngyikapa hodi. Mndu kaicho ṟui lyako, na iṟuguo moongo, ngyechiiṙa na kokye, na inyi ngyechilya hamwi na oe, na oe hamwi na inyi.