Waroma 2:13 - Kivunjo New Testament 1999

¹³ Kyipfa chi woose wekyeicho mawawaso wai wasumganyi mbele ya Ruwa-pfo, indi nyi walya wekyewuta kyilya mawawaso gakundi wechitalyio wusumganyi.

Waroma 2:13 ပူးပေါင်းရင်းမြစ်များ

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Luka 8:21

Kagaluo, kawawia, “Wama oko na wana wa wama wako nyi iwo waiaṙanyia Ṙeṙo lya Ruwa na iosha kyilya lyikundi.”

Yohane 13:17

Wulalu momanya isho ngammbia; agusu nyoe kokooya moshiwuta!

Mawuto Ga Wasu 13:39

Na kui oe orio momwiṙikyia nekyetalo kye namsumganyi shindonyi shoose alechiiṙima italo kye namsumganyi kui uwawaso lo Mose.

Waroma 10:5

Cha kyipfa Mose naleṟeia kui wusumganyi wuwukyie kui mawawaso, kye mndu ekyewuta isho nechiwaṙa moo kui isho.

Waroma 2:25

Kyipfa iṙino lyiwoṙe kyiira kokooya ui mndu okyewuta kyilya mawawaso gakundi. Kyaindi kowa mofunja mawawaso iṙino lyapfo lyawa cha ilyi ulamṙine.

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

Waroma 3:23

Kyipfa woose wawutie sha wunyamaṟi na mng'ano o Ruwa otitia kowo.

Waroma 3:30

Kokooya loi Ruwa nyi umwi, echitalyia wusumganyi walya wawaṙine iiṙikyienyi, na walya walawaṙine nechiwatalyia wusumganyi kui njia ya iiṙikyia-lyo ilyo.

1 Wakorinto 4:4

Kyipfa ngyiwoṙe kyimaṙuma kyewona kye ngyiwoṙe wuwicho mrimenyi koko-pfo, kyaindi ngyiwono kye ngyiwoṙe wusumganyi kyipfa kya ikyo-pfo; indi ekyengyianduya inyi nyi Mndumii.

Wagalatia 2:16

luichi kye mndu ekyetalyio wusumganyi kui mawuto ga mawawaso-pfo, indi kui iwaṙa iiṙikyia kyiiṙi kya Kristo Yesu. Soe luleiṙikyia Kristo Yesu kundu lutalyio wusumganyi kui iiṙikyia Kristo, maa chi kui mawuto ga mawawaso-pfo; kyipfa kui mawuto ga mawawaso kuwoṙe mndu echitalyio wusumganyi-pfo.

Wagalatia 5:4

Muwasaangye nyi Kristo, nyoe mukundi italyio wusumganyi kui mawawaso, mooloka na iwuka isaṟienyi.

Yakobo 1:27

Mwiṙikyie mcha ulawoṙe kyindo kyifanyi mbele ya Mndumii Ruwa nyi ichu: indesaia ngoṙa na wakusu wukyiwenyi wowo, na ikushowa na wuyana kulawoṙe wunyamaṟi.

1 Yohane 2:29

Kokooya momanya kye oe nyi msumganyi, manyenyi kye orio mndu ekyewuta shindo sha wusumganyi namfee nyi oe.

1 Yohane 3:7

Wana wako, mndu alamulembe. Mndu ekyewuta sha wusumganyi nawoṙe wusumganyi, chandu Kristo awoṙe wusumganyi.