Waroma 2:12 - Kivunjo New Testament 1999

¹² Kyipfa iwo woose walenyamaṟa kulawoṙe mawawaso weṙeka kulawoṙe mawawaso, na woose walemyamaṟa waichi mawawaso, weanduyo kui mawawaso.

Waroma 2:12 ပူးပေါင်းရင်းမြစ်များ

Matayo 11:22

Kyaindi ngammbia, kyechiwa kyaangu Tiro na Sidon ikarishia ngapo tsawo mfiri o ianduyo kuta nyoe.

Matayo 11:24

Kyaindi ngammbia, kyechiwa kyaangu ko uruka lo Sodoma ikarishia ngapo yalo mfiri o ianduyo kuta iyoe.”

Yohane 19:11

Yesu kamgaluo, kagamba, “Iyoe uwechiwaṙa wuiṙimi woose wo ingyichilyia, kokooya Ruwa alawekuenengyie wuchilyi-wo-pfo. Koikyo icho angyiende na kopfo nawoṙe ṙeko lying'anyi kuta.”

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Waroma 1:32

Waichi mnu ianduyo lya wusumganyi wo Ruwa, kye wekyewuta isho wawaṟi upfu, wekyewuta isho; maa chi isho tupu-pfo, indi wakaiṙikyiana na walya wekyewuta waṙo.

Waroma 4:15

Kyipfa mawawaso nyigo gekyeende nyashi, cha kyipfa kulawoṙe mawawaso kuwoṙe ṙeko-pfo.

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

1 Wakorinto 9:21

Ko walya walawoṙe mawawaso ngyilewa cha ngyilawoṙe mawawaso (chi kye ngyilawoṙe mawawaso mbele ya Ruwa-pfo, indi ngyiwoṙe mawawaso mbele ya Kristo), kundu ngyigalutsie ura lo Yesu walya walawoṙe mawawaso.

Wagalatia 3:10

Cha kyipfa woose wakyeri wa mawuto ga mawawaso, wakyeri kyisesonyi; kyipfa kyikyiṟeie, “Namsese ulya alekyeosha shindo shoose shikyeri kyitapunyi kya uwawaso.”

Wagalatia 3:22

Kyaindi kyiṟeio kyiele kyagamba kye wuyana woose wuwuchilyie nyi wunyamaṟi kundu iwo waiṙikyie waenengo kyaasa kui iiṙikyia waenengo kyaasa-kyo kui iiṙikyia Yesu Kristo.

Yakobo 2:10

Kyipfa mndu oose echiosha mawawaso goose, indi kakapa ṙende kyindonyi kyimwi, naṙeko kyiiṙi kya goose.