Waroma 15:3 - Kivunjo New Testament 1999

³ Cha kyipfa Kristo alewuta shindo shekuchihiṟa amonyi-pfo; indi chandu kyikyiṟeie, “Shilahio shawo walekulahia iyoe shilengyikooya inyi.”

Waroma 15:3 ပူးပေါင်းရင်းမြစ်များ

Matayo 10:25

Kyishikyie manalosho iwa cha mlosha okye, na kyisinga iwa cha mndumii okyo. Kokooya walelaga monyi kanyi Beelyisebulyi ngyesa chi ngoseṟa walya wai wa kanyi kokye-pfoe?”

Matayo 26:39

Kayenda mbele kyitutu, kaoloka na ndewu, katerewa, echigamba, “Awu-yoko, kyikaiṙimika, ṙombo-lyi lya matuuro lyiiṙe kuleshi na inyi. Kyaindi chi chandu ngyikundi inyi-pfo, indi nyi chandu ukundi iyoe.”

Matayo 26:42

Kayenda-se lya kawi, katerewa, echigamba, “Awu-yoko kokooya kyilechiiṙimika ṙombo-lyi lya matuuro lyiiṙe kuleshi na inyi, kyilya ukundi kyiwe kuṙo.”

Matayo 27:44

Na wasokyi walya walekapio msalabenyi hamwi na oe walemlahia wuṙo.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 4:34

Yesu kawawia, “Kyelya kyako ny'kyo ikyi, ngyiwute shilya ulya alengyiṙuma akundi, ngyiafutsie iṟunda lyakye.

Yohane 5:30

“Inyi ngyeiṙima iwuta kyindo ngyimonyi-pfo. Chandu ngyekyeicho nyi wuṙo ngyekyeanduya; na ianduya lyako nyi lya sungusinyi, cha kyipfa ngyekyewuta kyilya ngyikundi inyi-pfo, indi kyilya ulya alengyiṙuma akundi.

Yohane 6:38

Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyiṙuma akundi.

Yohane 8:29

Na ulya alengyiṙuma nakyeri hamwi na inyi; angyiṙeeye ngyimonyi-pfo; cha kyipfa mfiri yoose ngyekyewuta shilya shimchihiṟie.”

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.

Waefeso 2:5

Waṙenyi makusaṟo galya galya Yesu Kristo awewoṙe;

Waefeso 2:8

Lyingyi-se, kyiyeri alewono ai cha mndu, nalepfereria, kawaṙa wuindi mṟasa upfunyi, yee, upfu lo msalabenyi.