Waroma 14:2 - Kivunjo New Testament 1999

² Mndu umwi nawoṙe iiṙikyia, nekyelya shoose; kyaindi ulya akyeri mfofo nekyelya mboka tsa maṟa.

Waroma 14:2 ပူးပေါင်းရင်းမြစ်များ

Waroma 14:1

Mndu awoṙe iiṙikyia lyifofo, mwambilyienyi, indi mulamwanduye makusaṟo gakye.

Waroma 14:14

Ngyiichi, ngoseṟa ngyimṟingyishie mnu kyiiṙi kya Mndumii Yesu, kye kuwoṙe kyindo kyifanyi kyimṟumoe wookyia mawookyionyi gakyo-pfo; kyaindi ko ulya awona kyindo kyifanyi kyimṟumoe, ko mndu-cho kyindo kyilya kyifanyi kyimṟumoe.

Waroma 14:20

Kyipfa kya kyelya ulanyamaṟe iṟunda lya Ruwa. Loi, shoose shishicha; indi nyi uwicho ko mndu ilya na ikuicho uwicho mrimenyi.

Waroma 15:1

Kyasia kyiluwaṟi soe luwoṙe pfinya iṙuo wufofo wo iwo walawoṙe pfinya, maa kyiluwaṟi iwuta shindo sheluchihiṟa soe luwenyi-pfo.

1 Wakorinto 10:25

Orio kyindo kyekyekumbo sangaṙa lyenyi kulawoṙe iwesa-wesa; maa mulaikulyisa wukyiwa mrimenyi kui ikusaṟa nyi kyiha kyii kyicha na nyi kyiha kyii kyiwicho.

1 Wakorinto 8:9

Kyaindi ambuyenyi wuiṙimi-wu wonyu wo iwuta kyoose mokunda wulachetewe walya wafafa wanyamaṟe.

1 Wakorinto 9:22

Ko wafofo ngyilewa mfofo, kundu ngyigalutsie wafofo ura lo Yesu. Ngyilewa orio kyindo ko wandu woose, kundu kui njia tsoose ngyiiṙime ikyiṟa wandu.

Wagalatia 2:12

Cha kyipfa kyiyeri wandu waata wawukyie ko Yakobo walawendeche, naweilya handu hamwi na wandu walaiṙikyie Yesu; kyaindi kyiyeri wo walecha, kawuya na numa, kalekana nawo, kunu echiowuo Wayuda.

1 Timoteo 4:4

Cha kyipfa orio kyindo Ruwa agumbie kyikyicha, maa kuwoṙe kyiwaṟi ilego-pfo, kokooya kyaambilyio kui iana.

Tito 1:15

Shindo shoose shishicha ko walya wawecha; kyaindi kuwoṙe kyindo kyikyicha ko walya wafanyi kyimṟumoe-pfo, walya walawoṙe iiṙikyia; indi ngyuuṟango tsawo tsifanyi kyimṟumoe, na makusaṟo gawo taa.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

Waebrania 9:10

Kyipfa nyi mawawaso ga mbaṟe ya mmbiu tupu, shelya na shindo shenyo na mbaṟe tsesamba kyimṟumoe, shilegambo kye shiṟundo mṟasa kyiyeri-kyo Ruwa echiilacha shindo shoose shiwe shihya.