Waroma 13:9 - Kivunjo New Testament 1999

⁹ Kyipfa kulya igamba, Ulaṟuguye ang'u ulaṟuguyo, Ulawaage, Ulaiwe, Ulalangye; na kuwoṙe iwawaso lyingyi lyoose, lyasanzo na ṙeṙo-lyi, kye, “Kunda momṟasa opfo cha iyoe kumonyi.”

Waroma 13:9 ပူးပေါင်းရင်းမြစ်များ

Matayo 22:39

Na lya kawi lyifananyi nalyo, nalyo nyi ilyi, ‘Kunda momṟasa opfo cha mrima opfo.’

Mariko 10:19

Nuichi mawawaso: Ulawaage, Ulaṟuguye maa Ulaṟuguyo, Ulaiwe, Ulaṟingyishie wongo, Ulalembe, India awuyo na womoo.”

Mariko 12:31

Na lya kawi nyilyo ilyi. ‘Kunda momṟasa opfo chandu ukukundi iyoe kumonyi.’ Kuwoṙe iwawaso lying'anyi kuta iga-pfo.”

Luka 10:27

Kagaluo, kagamba, “Kunda Mndumii Ruwa opfo kui ngoo yapfo yoose, na kui mrima opfo oose, na kui pfinya tsapfo tsoose, na kui wuṟango wopfo woose; na momṟasa opfo cha iyoe kumonyi.”

Luka 18:20

Nuichi mawawaso: Ulaṟuguye maa Ulaṟuguyo, Ulawaage, Ulaiwe; Maa ulaṟingyishie wongo, India awuyo na womoo.”

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.