Waroma 12:3 - Kivunjo New Testament 1999

³ Cha kyipfa kui isaṟia ngyileenengo ngyiwia orio mndu akyeri konyu alakusurie kyindo kya ngoseṟa kuta chandu awaṟi ikusuria; indi nawaṙe meena chandu Ruwa agawie orio mndu meena o iiṙikyia.

Waroma 12:3 ပူးပေါင်းရင်းမြစ်များ

Luka 18:11

Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo.

Yohane 3:34

Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Waroma 1:5

Icho ai kye kyiiṙi kyakye luleambilyia isaṟia na ndumo kundu masanga goose gaiṙime iindia kui iiṙikyia kyipfa kya rina lyakye.

Waroma 11:20

Nyi kyicha. Galemanyo kyipfa kya ilemo iiṙikyia lyawo; na iyoe nugoṟokyi kui iiṙikyia lyapfo. Maa ulakushele, indi uowuo.

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Waroma 12:16

Muiṙikyiane shilya mukusurie nyoe wenyi ko wenyi. Maa mulakusurie shindo shing'anyi, indi muiṙikyie iwinisho nyi mbonyi tsifofo. Maa mulakushelyie wuṟango.

1 Wakorinto 15:10

Kyaindi kui isaṟia lya Ruwa ngawa kuṙi chandu ngyikyeri; na isaṟia lyikyeri koko chi wulya-pfo, indi ngyileengyeṟa mnu iṟunda kuta wo woose; maa chi inyi-pfo, indi nyi isaṟia lya Ruwa hamwi na inyi.

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 7:17

Kyaindi chandu Ruwa alegawia orio mndu, na chandu Ruwa alelaga orio mndu, nawute kuṙo. Nyi wuṙo ngawia siṟi tsoose.

2 Wakorinto 10:13

Kyaindi soe luikushela ngoseṟa ya chandu kyiwaṟi koṙu-pfo; indi chandu kyiwaṟi kyiyeṟo kyilya kyikyiwikye nyi Ruwa, nakyo nyi ishika mṟasa konyu.

2 Wakorinto 12:13

Kyipfa nyi kyikyi muleuṟa kuta siṟi tsingyi, sile nyi ilyi ngyilalewa ṟio konyu? Ngamuterewa mungyihooṟie wuwicho-wu.

2 Wakorinto 12:7

Na kyimaṙuma ngyilaiṙime ikushela na ielewetsa kyipfa kya shilya ngyileshukuyo, ngyileenengo kyindo kyewawiṟa mmbiu mbaṟe ya msha, kyindo kyikyeri cha mndu amṙume nyi Satana kundu nangyikape, ngyilachekushela na ielewetsa.

Wagalatia 6:3

Kyipfa mndu kakuwona kye nyi kyindo, na oe chi kyindo-pfo, nakulemba mrimenyi kokye.

Wafilyipi 3:2

kokooya mulemuicho mbonyi tsa isaṟia lya Ruwa ngyileenengo kyipfa kyanyu.

Wafilyipi 3:4

Koikyo mukogasoma, moiṙima imanya shindo ngyiichi kyiiṙi kya wuṟikyi-wu wo Kristo.

Wafilyipi 4:16

Kui oe mmbiu oose ochilungo na iwaṙana kui wutarami wo orio kyiwungo, iṙuana na iṟunda lya orio kyiwungo; iṟunda lyekyeṙosa mmbiu uiṙime ikukarisha umonyi ikundenyi.

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

Wakolosai 1:29

Na inyi ngyikuwinisha kui kyindo-kyo ikyo, ngyechipfuṟukana iṙuana na pfinya ing'anyi iwukyie ko Kristo, ekyeṟunda kyiiṙi kyako.

Wakolosai 2:13

Na nyoe kyiyeri muwepfiie kyipfa kya maṙeko ganyu na kyipfa kya ilyi mulawekyeri Wayuda, nalemuṟutsa hamwi na oe, amluhooṟie maṙeko goose.

1 Timoteo 1:14

Na isaṟia lya Mndumii oṙu lyileengyeṟika mnu, hamwi na iiṙikyia na ikunda lyikyeri kyiiṙi kya Kristo Yesu.

1 Timoteo 2:15

Kyaindi mndu mka nechikyiṟo kui iwaṙa wana, kokooya awaṙa iiṙikyia Yesu na ikunda na iilyisho, hamwi na mrima uwoṙe meena.

1 Timoteo 2:9

Na wuṙo waka wakuchope kui nguwo, wakushikyie necha, hamwi na wupfereri wucha, na mrima uwoṙe meena; chi kui ioka njui, maa iṟaa shindo sha sahapu na lulu, maa nguwo tsa woguru wung'anyi-pfo;

Tito 2:12

Nalyo lyilulosha ilega wuwicho na lango tsa kyiwuyana; luiṙime iwaṙa moo na meena, na wusumganyi, na iowuo na ikunda Ruwa, kyiiṙi kya wuyana-wu wo wulalu.

Tito 2:2

Kye wameeku wawe wandu wawoṙe meena, wawoṙe mkaṟo yechienenga wandu iwaindia, wawoṙe wuṟango, wapfulukyie kyiiṙikyia na ikundenyi na wusimirinyi.

Tito 2:4

Kundu waenengye waka wakoho wuṟango, wakunde wamii wawo, na ikunda wana wawo;

Tito 2:6

Na wuṙo na wanakye uwatutume iwa na meena;

Yakobo 4:6

Kyaindi nekyelutarama soe isaṟia lyiengyeṟikyie; koikyo nekyegamba, “Ruwa nekyewingana na walya wekyekuṙosa, indi nekyeenenga isaṟia wekyekutitiṟa.”

1 Petiro 1:13

Koikyo kuṟeyeṟenyi na iwaṙa meena; mochiweṙelyia nakamwi isaṟia lyilya mochiwona kyiyeri Yesu Kristo echiloṟo.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

1 Petiro 4:7

Kyaindi mafurumionyi ga shindo shoose gakyeri kufuhi. Kyasia ṟanguonyi, mulae kyiṙombo mochiterewa.

1 Petiro 5:5

Na wuṙo nyoe wanakye, indienyi wameeku. Yee, nyoe moose waṙenyi wupfereri, muiṙime iṟundiana; cha kyipfa Ruwa nekyekapa walya wekyekuira, kyaindi nekyeenenga wapfereri isaṟia.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

3 Yohane 1:9

Ngyileṟeia siṟi paruo, kyaindi Diotirefe, akundi iwa o kuwooka kyiiṙi kyawo, aleluaṙanyia-pfo.