Waroma 12:2 - Kivunjo New Testament 1999

² Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Waroma 12:2 ပူးပေါင်းရင်းမြစ်များ

Matayo 13:22

Na iya ingyiṙongye mshenyi, icho nyi mndu ekyeicho ṙeṙo lyilya; na mawino ga wuyana, na wulembi wo masaa wokyeilama ṙeṙo lyilya; lyilawaṙe ndunda.

Mariko 4:19

kyaindi ikuwinisha lya kyiwuyana, na wulembi wo masaa, na lango tsa shindo shingyi tsikacha, shekyepfumba Ṙeṙo lyilya lya Ruwa lyilakumbie.

Yohane 14:30

Inyi ngyechiṙeṙa-se na nyoe shindo shifoi-pfo, cha kyipfa Satana, mchilyi o wuyana-wu naicha, na echiiṙima ingyiwutia kyindo-pfo.

Yohane 15:19

Kokooya nyoe muwei wandu wa wuyana, wawechimukunda; kyaindi kyipfa nyoe mulakyeri wandu wa wuyana, indi inyi ngyilemusambuṟa nyoe iwuka wandu wa wuyana, kyipfa kya ikyo wandu wa wuyana wamusuuye.

Yohane 17:14

Inyi ngyilewaṙambika malosho gako; na wandu wa wuyana walewasuo kyipfa wo chi wa wuyana-pfo, chandu inyi ngyilakyeri o wuyana.

Yohane 7:7

Wandu wa wuyana weiṙima imsuo nyoe-pfo; indi wangyisuuye inyi, cha kyipfa inyi ngyiṟingyishia kye mawuto gawo gamawicho.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Waroma 13:14

Indi irenyi shisha sha Mndumii Yesu Kristo, maa mulaambuye mmbiu, mṟasa muamtse lango tsacho.

Waroma 7:12

Kyasia uwawaso lungyiele. Na iwawaso lyilya lyilyiele, na lya wusumganyi, na lyilyicha.

Waroma 7:14

Cha kyipfa luichi kye uwawaso mawookyionyi galo nyi mrimenyi; indi inyi nyi mndu o mmbiunyi, ngyimchilyie nyi wunyamaṟi.

Waroma 7:22

Cha kyipfa mrimenyi koko ngyimchihiye kyipfa kya iwawaso lya Ruwa.

1 Wakorinto 3:19

Kyipfa wuṟango wo wuyana-wu nyi wutondo mbele ya Ruwa. Cha kyipfa kyikyiṟeie, “Oe nyi oe ekyewaṙa wawoṙe wuṟango ngyeṟonyi tsawo.”

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 5:17

Na kyawa kye, mndu kakaa kyiiṙi kya Kristo nawa mndu mhya; sha kacha shaiṙa, shoose shawa shihya.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wafilyipi 1:18

Ruwa naṟuguo mrima yanyu iiṙime iwona, mumanye ikusuria lya ilaga lyakye chandu lyikyeri; na wusuṟi wo mng'ano wo kyioṟa kyakye wandunyi wa Ruwa chandu wukyeri.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Wafilyipi 5:17

Kyipfa kya ikyo mulawe matondo, indi mumanye ny'kyikyi Mndumii akundi.

Wakolosai 1:9

Kyipfa kya ikyo maa soe, wookyia mfiri ulya luleicho, luwika shiterewo kyipfa kyanyu, kundu muichuṟio imanya lya mrimenyi ko ikunda lyakye wuṟangonyi woose na imanyisho lya mrimenyi.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

1 Watesalonikye 4:3

Kyipfa isho nyisho Ruwa akundi shiwutikye, iilyisho lyanyu, mukushowe na wuṟui.

Tito 3:5

Chi kyipfa kya mawuto ga wusumganyi lulewuta soe-pfo; indi kui isaṟia lyakye, kui isanjo na ifeo lya kawi na kui iwa wahya Mumuyonyi Mweele.

Yakobo 1:27

Mwiṙikyie mcha ulawoṙe kyindo kyifanyi mbele ya Mndumii Ruwa nyi ichu: indesaia ngoṙa na wakusu wukyiwenyi wowo, na ikushowa na wuyana kulawoṙe wunyamaṟi.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

1 Petiro 1:14

Cha wana wa wuindi mulakufananyishe na lango tsanyu tsa mawookyionyi, tsa wutondo wonyu;

1 Petiro 1:18

Na nyoe manyenyi kye mulekyiṟo chi kui shindo shekyenyamaṟika cha heleri ang'u sahapu-pfo; muiṙime iwuka mkaṟonyi onyu ulawoṙe kyiira muleuambilyia ko waku wanyu;

1 Petiro 2:3

kokooya mosonja kye Mndumii nyi monyi isaṟia.

1 Petiro 4:2

Wookyia wulalu mulaengyeṟe iosha lango tsa mmbiu, indi oshenyi shilya Ruwa akundi, kyiyeri kyanyu kyitsugai kyekaa iha wuyanenyi.

2 Petiro 1:4

Lyingyi-se ko isho naleluenenga shaasa shing'anyi mnu, sha woguru, kundu kye kui ikyo muiṙime iwa hamwi na walya wawoṙe mkaṟo o kyiRuwa, mochikyiṟo iwuka wunyamaṟinyi wukyeri wuyanenyi kyipfa kya lango.

2 Petiro 2:20

Cha kyipfa walya walemṙicha mawicho ga wuyana kui imanya Mndumii na Mkyiṟa Yesu Kristo, kokooya wawoṙo-se na iwingo, mbaṟe yawo ya mafurumionyi gawo nyi ingyiwicho kuta iya ya kuwooka.

1 Yohane 3:13

Wana wa wama wako, mulaṟiyio, wandu wa wuyana wakamusuo.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.