Waroma 11:7 - Kivunjo New Testament 1999

⁷ Kyasia kyawa kuṙa-ng'u? Kyindo kyilya Isiraelyi aweikyipfula alekyiwona-pfo, indi walya walesambuṟo walekyiwona, na wengyi waleming'a.

Waroma 11:7 ပူးပေါင်းရင်းမြစ်များ

Mariko 6:52

cha kyipfa walemanya mbonyi tsa mkate iya-pfo, kyaindi mrima yawo iwengyiumu.

Luka 13:24

“Pfuṟukanenyi iiṙia moongonyi msuse, cha kyipfa ngyimmbia kye wafoi wechikunda iiṙa walaiṙime.

Yohane 12:40

“Nalewagaluo shipfupfuṟe, mrima yawo kaiumiṟa; kundu meso gawo galawone, na mṙoe yawo ilamanye; wakangyigalukyia, ngawakyiṟa.”

Waroma 10:3

Cha kyipfa, walaichi wusumganyi wo Ruwa, na wakundi iṟingyishia wusumganyi wowo wawenyi, walechilyio nyi wusumganyi wo Ruwa-pfo.

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Waroma 11:5

Kyasia na wuṙo kyiyeri-kyi kya wulalu, kuwoṙe mtsugaṟo o wandu wasambuṟe kui isaṟia.

Waroma 3:9

Kyasia ny' kyikyi-ng'u? Lukyeri wecha kuta wengyi? Ote! Maa ale. Cha kyipfa lomshitakyi Wayuda na Wakyiṟikyi kye wawachilyie nyi wunyamaṟi taa.

Waroma 6:15

Kyasia ny'kyikyi-ngu? Luwute wunyamaṟi kyipfa lulawachilyie nyi mawawaso indi isaṟia? Ote!

Waroma 9:18

Kyasia, kokooya nyi wuṙo, akunda imhooṟia nekyemhooṟia, na akunda imwenenga mrima muumu nekyemgaluo muumu.

Waroma 9:23

Lyingyi-se, kundu naṟingyishie wung'anyi wo kyiṟumi kyakye kui shindo shilya sha isaṟia, aleshiachikyia wookyia kacha shiwaṙe kyiṟumi.

1 Wakorinto 10:19

Kyasia ngyigambe kyi? Kye kyilya kyaṙasio mafano nyi kyindo? Ang'u kye mafano nyi kyindo?

2 Wakorinto 3:14

indi makusaṟo gawo galewiko meema. Kyipfa maa mṟasa inu, kyiyeri Mma Mku okyesomo, kyindo-kyo kyeshikyia kyaam kyekyeweṙio ho. Kyimwi na igamba kye, kyileloṟo kye kyindo-kyo kyeshikyia kyewuto ho kyiiṙi kya Kristo-pfo.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

Wafilyipi 1:4

Chandu alelusambuṟa kyiiṙi kyakye kyiyeri wuyana wulawendegumbo, kundu luwe wandu wa Ruwa, wandu walawoṙe mti mbele yakye ikundenyi.

Wafilyipi 4:18

Walya ngyuuṟango tsawo tsilewiko meema, nawo walewiko kuleshi na moo o Ruwa, kyipfa kya wutondo wukyeri mrimenyi kowo, kyipfa kya wuumu wo mrima yawo.

Waefeso 1:18

Ikyo wakundi ingyiwutia koko chi kyindo-pfo. Kyaindi ko orio njia, kokooya nyi kui ngyeṟo, ang'u kokooya nyi kui wuloi, mbonyi tsa Kristo tsigambo; koikyo ngyichihiyo, yee, na inyi ngyechichihiyo.

Waebrania 12:17

Kyipfa muichi kye maa lyilya kyiyeri kya numa alekunda ioṟa mboṟa nalelego (kyipfa alewona ṙaawa lyeṙumbuya wunyamaṟi-pfo), maa chandu alepfula ṙaawa-lyo kui mcheṟeṟe.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.