Waroma 11:2 - Kivunjo New Testament 1999

² Ruwa aletsindikyia wandu wakye kuleshi awewaichi wookyia mawookyionyi-pfo. Ang'u muichi kyilya kyileṙeṙo nyi shiṟeio ko mbonyi tsa Elyiya-pfoe? Chandu aishitakyi Waisiraelyi mbele ya Ruwa.

Waroma 11:2 ပူးပေါင်းရင်းမြစ်များ

Mariko 12:26

Na ko mbonyi tsa wapfu kye wekyeṟutso, mulandesome kyitapunyi kya Mose, halya-ndu haṙeṙie mbonyi tsa kyinguṙu, chandu Ruwa alemmbia echigamba, ‘Inyi nyi Ruwa o Abrahamu, na Ruwa o Isakyi, na Ruwa o Yakobo?’

Luka 4:1

Na Yesu, amwichuṟo nyi Mumuyo Mweele nalewuya iwuka Yoridan, kaṙoo nyi Mumuyo Mweele kyiyeri kya mfiri makumi gaana kundu ko nuka,

Yohane 4:11

Mndu mka ulya kammbia, “Mndumii, uwoṙe kyindo kyeṙahia-pfo, na kyisima kyikyileshi. Nyi kwi owona mṟinga-cho uwoṙe moo?

Mawuto Ga Wasu 13:48

Kyiyeri wandu walaichi Ruwa waleicho isho wakachihiyo, wakang'anyisa Ṙeṙo lya Ruwa na walya wawewaṟeyeṟie moo o mlungana wakaiṙikyia.

Mawuto Ga Wasu 15:18

Ruwa nagamba, ekyeonguo mbonyi-tsi mṟasa mlungana.’ ”

Mawuto Ga Wasu 3:17

“Kyasia wulalu, wana wa wama, ngyiichi kye mulewuta isho kyipfa mulaweichi, chandu na wasongoru wanyu walewuta.

Mawuto Ga Wasu 7:40

Wakawia Aron, ‘Luachikyie waruwa wengyi, wechilusongoya; cha kyipfa Mose-cho, aleluwuta urukyenyi lo Misiri, luichi ny'kyikyi kyammbutikyia-pfo.’

Waroma 6:16

Muichi kye icho muiwuta mrima yanyu kokye iwa waṟundi wakye kyiiṙi kya imwindia, mowa waṟundi wakye ulya muimwindia, kokooya nyi wuṟundi wo wunyamaṟi wokyeende upfu, ang'u kokooya nyi wuṟundi wo wuindi wokyeende wusumganyi.

Waroma 9:23

Lyingyi-se, kundu naṟingyishie wung'anyi wo kyiṟumi kyakye kui shindo shilya sha isaṟia, aleshiachikyia wookyia kacha shiwaṙe kyiṟumi.

Waroma 9:6

Chi kye Ṙeṙo lya Ruwa lyailachika-pfo. Kyipfa wandu Ruwa asambuṟie chi Waisiraelyi tikyi-pfo.

1 Wakorinto 6:2

Ang'u muichi kye wandu wa Ruwa wechianduya wandu wa wuyana? Na kokooya wandu wa wuyana wechianduyo nyi nyoe, ngyesa muwaṟi ianduya maa shindo shitutu-pfoe?

1 Wakorinto 8:3

Kyaindi mndu kakunda Ruwa, icho Ruwa namwichi.

Waefeso 1:22

Indi kokooya iengyeṟa iwaṙa moo kyimmbiu koko inyi nyi ndunda tsa iṟunda lyicha, kyasia, ngyiichi nyi kyindo kyiha ngyesambuṟa-pfo.

Waebrania 1:1

Kyiyeri kya kacha Ruwa naleṙeṙa na waku waṙu kafong'ui na kundu kufong'ui, iiṙia ko weonguo shisuku;

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.