Waroma 10:8 - Kivunjo New Testament 1999

⁸ Kyaindi wusumganyi wogamba kuṙa? Ṙeṙo lyilya lyikyeri kufuhi na iyoe, ṙumbunyi lyapfo, na mrimenyi opfo, nyi ṙeṙo lyilya lya iiṙikyia lokyelyionguo.

Waroma 10:8 ပူးပေါင်းရင်းမြစ်များ

Mawuto Ga Wasu 10:43

Icho weonguo shisuku woose walemṟingyishia, kye kui rina lyakye orio momwiṙikyia nechihooṟio wunyamaṟi.”

Mawuto Ga Wasu 16:31

Wakammbia, “Iṙikyia Mndumii Yesu, na iyoe nochikyia hamwi na wandu wa kanyi kopfo.”

Waroma 10:17

Kyasia iiṙikyia lyekyecha kui kyilya mndu aiicho; na kyilya mndu aiicho kyekyecha kui ionguo Ṙeṙo lya Kristo.

Wagalatia 3:2

Ngyikundi ikulosha kyindo kyimwi konyu. Ngyesa muleambilyia Mumuyo Mweele kui mawuto ga mawawaso ang'u kui iicho Ndumi Ngyicha na iiṙikyia Yesu?

Wagalatia 3:5

Kyasia, ulya ekyemuenenga Mumuyo na iwuta shindo sha maṟiyisho kyiiṙi kyanyu, ngyesa nekyewuta kuṙo kui mawuto ga mawawaso, ang'u kui iicho Ndumi Ngyicha yekyeende iiṙikyia Yesu?

Wafilyipi 5:26

kundu nailyishe Siṟi na iisanja kui mṟinga Ṙeṙonyi.

1 Timoteo 4:6

Ukumbuṟe wandu shindo-sho, na iyoe nochiwa mṟundi mcha o Kristo Yesu, na mndu uichiwie mbonyi tsa iiṙikyia, na malosho mecha galya uleosha.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.

1 Petiro 1:25

Indi Ṙeṙo lya Mndumii lyechikaa mlungana.” Na Ṙeṙo-lyo nyi mbonyi tsilya ngyicha tsileongoyo konyu.