Waroma 10:3 - Kivunjo New Testament 1999

³ Cha kyipfa, walaichi wusumganyi wo Ruwa, na wakundi iṟingyishia wusumganyi wowo wawenyi, walechilyio nyi wusumganyi wo Ruwa-pfo.

Waroma 10:3 ပူးပေါင်းရင်းမြစ်များ

Luka 10:29

Na oe akundi ikuloṟa kye nai msumganyi, kawesa Yesu, “Aa momṟasa oko nyi wui?”

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Waroma 1:17

Kyipfa wusumganyi wo Ruwa wuloṟo kyiiṙi kyakye; wookyia mawookyionyi ga iiṙikyia mṟasa mafurumionyi; chandu kyikyiṟeie, “Awoṙe wusumganyi nechikaa kui iiṙikyia.”

Waroma 10:2

Cha kyipfa ngyiwaṟingyishia kye wawoṙe wuragari kyipfa kya Ruwa, indi chi kyiiṙi kya wuṟango-pfo.

Waroma 10:20

Na Yesaya awoṙe wuṟango na wukari wung'anyi, naigamba, “Ngyilekooyo nyi iwo walekyengyipfula, ngyileṟingyishio ko iwo walaiwesa mbonyi tsako.”

Waroma 11:7

Kyasia kyawa kuṙa-ng'u? Kyindo kyilya Isiraelyi aweikyipfula alekyiwona-pfo, indi walya walesambuṟo walekyiwona, na wengyi waleming'a.

Waroma 3:22

Nyi wusumganyi wo Ruwa wukyeri kui njia ya iiṙikyia kyiiṙi kya Yesu Kristo ko woose waiṙikyie. Kyipfa kuwoṙe kya mbaṟe ingyi-pfo.

Waroma 3:26

Naiṙime iloṟa wusumganyi wokye kyiyeri-kyi, kundu nawe msumganyi na momtalyia wusumganyi icho aiṙikyie Yesu.

Waroma 5:19

Kyipfa kokooya kui inyamaṟa lya mndu umwi wandu wafoi walewiko wandunyi wawoṙe wunyamaṟi, na wuṙo kui iindia lya mndu umwi wandu wafoi wechisanzio kyiiṙi kya wawoṙe wusumganyi.

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Waefeso 3:9

Lyingyi-se ngyilungo tapu na oe, ngyilawaṙe wusumganyi woko ngyimonyi wulya mndu ekyewona kui iosha mawawaso, indi ngyiwaṙe wusumganyi wulya wokyewono kui iiṙikyia lyikyeri kyiiṙi kya Kristo, wusumganyi wulya wuwukyie ko Ruwa, kui iiṙikyia.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.