Waroma 10:2 - Kivunjo New Testament 1999

² Cha kyipfa ngyiwaṟingyishia kye wawoṙe wuragari kyipfa kya Ruwa, indi chi kyiiṙi kya wuṟango-pfo.

Waroma 10:2 ပူးပေါင်းရင်းမြစ်များ

Yohane 16:2

Wechimuletsana na walya wekyeyenda masinagoginyi; yee loi kyiyeri kyiicha orio mndu aimbaaga echikusaṟa kye naiindia Ruwa kui iwuta kuṙo.

Mawuto Ga Wasu 21:20

Nawo kyiyeri waleicho wakaṟumisha Ruwa, wakammbia, “Mono-wama oṙu, nuwonyi chandu Wayuda waleiṙikyia Yesu wakyeri shiku shifoi, na woose wawoṙe wunyenyi mnu kyipfa kya uwawaso.

Mawuto Ga Wasu 21:28

wakakalagatsa, na igamba, “Lanyoe wasoṟo wa Isiraelyi lutaramenyi. Ichu nyi oe mndu ulya ekyelosha wandu woose orio handu, chandu kyilaṙuṙanyi na isanga lyaṙu maa uwawaso, maa miichiwie ya handu-ha. Lyingyi-se, ngoseṟa ya isho, naitsa Wakyiṟikyi na hekalunyi, kafanyiṟa kyimṟumoe handu-ha haele.”

Mawuto Ga Wasu 22:22

Wakamwaṙanyia mṟasa kyiyeri alegamba kuṙo, wakaṙeṙa na ṟui lying'anyi, wechigamba, “Wuta mndu-chu iha. Nawaṟi iwoogo!”

Mawuto Ga Wasu 22:3

“Inyi nyi Myuda, ngyilefeo Tariso, mṟi o Kyilyikyia, indi ngyileng'anyisio kunu mṟinyi, ngyikyeri manalosho o Kamalyielyi. Ngalosho chandu kyiwaṟi mawawaso goose ga waku waṙu, ngawa mndu ekyepfuṟukania Ruwa chandu nyoe mukyeri inu.

Waroma 10:1

Wana wa wama wako, kyindo ngyilangyie mnu mrimenyi koko, na kyiterewo kyako ko Ruwa, nyi kyipfa kyawo kundu wakyiṟo.

Waroma 10:3

Cha kyipfa, walaichi wusumganyi wo Ruwa, na wakundi iṟingyishia wusumganyi wowo wawenyi, walechilyio nyi wusumganyi wo Ruwa-pfo.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

2 Wakorinto 8:3

Kyipfa ngyimuṟingyishia kye, kui pfinya tsawo, na ngoseṟa ya pfinya tsawo, kulawoṙe iitiko nyi mndu walewuta shindo shawo;

Wagalatia 1:14

Na inyi wandunyi wa rika lyako inyi ngyiwekyeri mbele kuta wengyi kyipfuṟukanionyi kyeindia Ruwa chandu Wayuda wekyemwindia, ngatambagana mnu iosha shilya ngyileambilyia ko waku wako.

Wagalatia 4:15

Kyasia, nyi kyikyi kyammbutikye kyeiṙima igaluo ishi shoose? Kyipfa ngyiṟingyishia kye, kokooya kyiwechiiṙimika, muwekuluo meso ganyu, mungyienengye inyi.

Waefeso 1:9

Na ikyi nyikyo kyiterewo kyako, kye ikunda lyiengyeṟikye, wuṟangonyi na imanya lyoose;

Waefeso 3:6

Ko mbonyi tsa ipfuṟukana, ngyilepfuṟukana loi ilyisa Siṟi wukyiwa, na kui iwaṙa wusumganyi kyipfa kya iosha kyilya mawawaso gakundi ngyiwewoṙe tewe-pfo.

Wakolosai 4:13

Kyipfa ngyimṟingyishia kye nawoṙe wuragari wung'anyi kyipfa kyanyu, na kyipfa kya iwo wakyeri Laodikyia, na kyipfa kya iwo wakyeri Hierapolyi.